بۇل جوبا مەكتەپ پەن بالاباقشاداعى بالالار قاۋىپسىزدىگىن ارتتىرۋعا, مەملەكەتتىك مەكەمەلەردەگى قىزمەتكەرلەردىڭ كىرۋ-شىعۋىن باقىلاۋعا جانە بيۋدجەت قاراجاتىنىڭ ماقساتسىز جۇمسالماۋىنا باعىتتالعان.
قازىر «Alaqan» جۇيەسى شىمكەنت قالاسى اكىمدىگى مەن «ازاماتتارعا ارنالعان ۇكىمەت» كەاق, سونداي-اق بىرنەشە مەكتەپ پەن بالاباقشاعا قويىلدى. سونىمەن قاتار اقمولا وبلىسىنداعى 91 مەكتەپ پەن اقتوبە وبلىسىنداعى 68 مەكتەپتى قامتىدى. ال باتىس قازاقستان, تۇركىستان جانە قاراعاندى وبلىستارىنداعى ءبىر ءبىلىم ورداسىنا قاناتقاقتى جوبا رەتىندە ەنگىزىلدى.
الداعى ەكى جىلدا قاراعاندى وبلىسىنىڭ 150 مەكتەبىنە دە وسى جۇيەنى ورناتۋ جوسپارلانعان. سونداي-اق «ارتسپورت» جانە «دارابالا» جوباسى اياسىندا اتالعان جۇيەنى كوكشەتاۋدىڭ 19 قوسىمشا ءبىلىم بەرۋ نىسانىنا بارۋدى ەسەپكە الۋ ءۇشىن ءساتتى پايدالانىلىپ وتىر. ناتيجەسىندە, بيىلعى ناۋرىز ايىنان باستاپ, بيۋدجەت قارجىسىن ۇنەمدەۋ 60 ميلليون تەڭگەدەن اسقان.
بۇگىنگى تاڭدا جۇيەدە 124 مىڭنان اسا وقۋشى مەن 10 مىڭعا جۋىق مەكتەپ قىزمەتكەرى تىركەلگەن. ەندى جوبانى ستراتەگيالىق ماڭىزدى نىساندارعا ورناتۋ مۇمكىندىگى قاراستىرىلىپ وتىر.
