جەلىدە ۇستالعانداردىڭ تۋىستارى جاساعان ۇندەۋدىڭ بەينەسى تارادى.
كۇدىكتىلەردىڭ جاقىندارى ۆيدەودا «بالالاردىڭ كىناسى ءۇشىن» كەشىرىم سۇرادى. بىراق سونىمەن بىرگە مارقۇمنىڭ اعاسى مەن اكەسىن دە جاۋاپقا تارتۋدى تالاپ ەتىپ وتىر.
«حالىقتان كەشىرىم سۇرايمىز. بالالارىمىز كىنالى, بىراق نۇرقانات (اعاسى) مەن قارجاۋباي (اكەسى) دە جاۋاپقا تارتىلۋى كەرەك. سوتتا ەكى جاقتىڭ دا ءادىل قارالۋىن سۇرايمىز. ءبىر جاقتى عانا كىنالاۋعا بولمايدى. مىلتىقتى كولىگىنەن نۇرقانات (اعاسى) الىپ شىقتى. جىگىتتەرگە قاراي وق جاۋدىردى. بىرەۋىنىڭ جاعىن سىندىردى. وزدەرى مىلتىق پەن پىشاق الىپ شىقتى. سودان جىگىتتەر كوتەرىلىپ كەتتى. بالالارىمىز ءۇشىن كەشىرىم سۇرايمىز. بىزدىكى دۇرىس ەمەس. بىراق ارانداتپاسا, ءبارى تىنىش ۇيلەرىنە قايتار ەدى», دەيدى ۇستالعانداردىڭ تۋىستارى.
سونداي-اق ولار ۆيدەوۇندەۋدە بالالارىنىڭ «ول جاققا شەرزاتتى ءولتىرۋ ءۇشىن ارنايى بارماعانىن جانە ۇيىمداسقان قىلمىستىق توپتىڭ مۇشەسى ەمەس ەكەنىن» ايتقان.
View this post on Instagram
