جول جابىنىن نىعايتاتىن ءادىس

سوڭعى ەكى جىل ىشىندە ينستيتۋت قىزمەتكەرلەرى پروبلەمالىق ۋچاسكەلەردەگى اقاۋلاردىڭ كارتاسىن جاساپ, تسەمەنت-بەتون جول­دارداعى اقاۋدى باستى نازارعا العان. سونداي-اق عالىمدار حي­ميا­لىق جانە تەمپەراتۋرالىق تال­داۋلارمەن بىرگە رەنتگەندىك زەرتتەۋلەر مەن دەفورماتسيالىق تىگىس­تەردى باقىلادى. بۇل ءوز كەزە­گىن­دە جولدىڭ بۇزىلۋ سەبەبىن زەرتتەۋگە مۇمكىندىك بەردى.

2021 جىلى ەلىمىزدىڭ تسەمەنت-بەتون جولدارىندا ماماندار دەفورماتسيالانۋ بويىنشا 36 جاع­داي تىركەلسە, 2022 جىلى 23 قانا جاعداي بولعان.

« وسى ماقساتتا عالىمدار جول نەگىز­دەرىنىڭ قاسيەتىنە ەرەك­­­­شە نازار اۋداردى. ويت­كەنى جولداردىڭ جۇكتە­مە­لەر­گە توزىم­دىلىگى ءدال وسى فاك­تور­عا تاۋەلدى. تەرەڭ زەرت­تەۋ جۇ­مىس­تارى جولداردىڭ تۇ­راق­­­تى­لىعى تەك بەتوننىڭ قۇ­ر­ا­­مى­نا عانا ەمەس, سونىمەن قا­تار توپى­راقتىڭ ساپاسى مەن تۇرىنە, كليماتتىق جاعدايلارعا جانە جەراستى سۋلارىنىڭ دەڭ­گەيىنە دە بايلانىستى ەكە­نىن كور­­­­سەتتى», دەيدى اتالعان جول عى­­­­ل­ىمي-زەرتتەۋ ينس­تي­تۋتىنىڭ عى­­­لىمي كەڭەسشىسى, تەحنيكا عى­لىم­­­دارىنىڭ كانديداتى دۋمان دۇي­سەم­بينوۆ.

توزىمدىلىگى ءالسىز توپىراق­تا جولدار شوگۋ مەن دەفور­ما­تسياعا ءجيى ۇشىرايدى. سون­دىق­تان ماماندار مۇنداي تو­­­پىراقتىڭ مينەرالدى قۇ­را­­مى مەن ولاردىڭ ءسۇزۋ قا­سيەت­­ىن زەرتتەپ كوردى. زەرت­تەۋ نا­تي­جە­سىندە ينستيتۋت عا­لىم­دا­رى ەلى­­­مىزدەگى باتىس وڭىر­­لەرىنىڭ جاع­­دا­يىنا بە­يىم­دەل­گەن قۇم توپى­راقتى نى­عايتۋ ءۇشىن بىرەگەي كاتاليزاتور دا­يىندادى.

جاڭا قوسپا قۇمنىڭ شاڭ بول­­شەكتەرىن بايلانىستىرىپ, ولاردى شوگىندى جىنىسقا ­اي­نالدىرۋ ارقىلى يوندىق ءوزارا ارەكەتتەسۋدى بەلسەندىرەدى. بۇل جولدى بەرىك ءارى تۇراقتى ەتە­دى. اتالعان ءادىس تسەمەنت-بەتون جول­دارىنىڭ قىزمەت ەتۋ مەر­زىمىن ۇزارتىپ, ولاردى كۇتىپ ۇس­تاۋعا جۇمسالاتىن شىعىندى ازايتادى.