فوتو: اقوردا
ەستەرىڭىزگە سالا كەتەيىك, پرەزيدەنت بىلتىرعى جولداۋىندا ءۇش جىلدىڭ ىشىندە اگروونەركاسىپ كەشەنىندەگى قايتا وڭدەلگەن ءونىمنىڭ ۇلەسىن 70 پايىزعا دەيىن ارتتىرۋ مىندەتىن قويعان ەدى.
ء«بىز نەگىزگى ازىق-ت ۇلىك تاۋارلارى بويىنشا يمپورتقا تاۋەلدىلىكتى ازايتۋعا باعىتتالعان بىرقاتار جوبانى جۇزەگە اسىرا باستادىق. اتاپ ايتقاندا, تاياۋ جىلدارى ءسۇت ءوندىرۋ كولەمىن 600 مىڭ تونناعا كوبەيتۋگە مۇمكىندىك بەرەتىن 116 زاماناۋي تاۋارلى ءسۇت فەرماسى سالىنادى», دەدى مەملەكەت باسشىسى.
سونىمەن قاتار مەملەكەت باسشىسى جالپى قۋاتى جىلىنا 220 مىڭ توننا قۇس ەتىن وندىرەتىن 29 فابريكانى, سونداي-اق قۋاتى جىلىنا 850 ميلليون جۇمىرتقا وندىرەتىن 11 قۇس فابريكاسىن پايدالانۋعا بەرۋ كوزدەلگەنىن اتاپ ءوتتى.
سونداي-اق, 100 مىڭعا جۋىق ءىرى قاراعا ارنالعان 6 بورداقىلاۋ الاڭىن, 50 مىڭ باس ۋاق مالعا ارنالعان بورداقىلاۋ كەشەنىن ىسكە قوسۋ جوسپارلانعان.
«سونىمەن قاتار ۇكىمەت العاشقى مامانداندىرىلعان بيرجا اشۋدى قولعا الدى. بۇل كەشەندە مال ساۋداسىنىڭ زاماناۋي ەرەجەلەرى ساقتالىپ, فەرمەرلەر مەن تۇتىنۋشىلار اراسىندا باسى ارتىق دەلدالدار بولمايدى», دەدى ەل پرەزيدەنتى.
