Pavlodarnews.kz باسىلىمىنىڭ جازۋىنشا, وبلىس ورتالىعىندا بالالار ءۇيىنىڭ بىرىندە كامەلەتكە تولماعان قىزدىڭ اياعى اۋىر بولىپ قالعانى تۋرالى اقپاراتتى بالا قۇقىقتارى جونىندەگى وڭىرلىك ۋاكىلى ساۋلە شاكەنوۆا راستادى.
- قىز 16 جاسقا كەلدى. ول زورلىق-زومبىلىق فاكتىسىن جوققا شىعارادى. ءوزارا كەلىسىم بويىنشا بايلانىسقا تۇسكەنىن ايتادى. ال قازاقستان رەسپۋبليكاسىنىڭ زاڭناماسىنا سايكەس, ول كەلىسىم بەرەتىن جاسىنا كىردى. تيىسىنشە قىلمىستىق قۇقىق بۇزۋشىلىقتىڭ قۇرامى جوق. ءجاسوسپىرىم مەن بالانىڭ اكەسى اراسىندا نەكە قيىلدى,– دەدى ساۋلە شاكەنوۆا.
وبلىستىق ءبىلىم بەرۋ باسقارماسىنىڭ بۇل فاكت بويىنشا حابارى بار كورىنەدى.
تاربيەلەنۋشىنىڭ 3 اپتالىق جۇكتىلىك فاكتىسى مەديتسينالىق تەكسەرۋمەن راستالدى. فاكت بويىنشا قامقورشىسى, ورتالىقتىڭ باسشىسى قۇقىق قورعاۋ ورگاندارىنا ءوتىنىش جازدى. قىزعا قاجەتتى پسيحولوگيالىق كومەك كورسەتىلدى,– دەدى باسقارمادا.
جاعداي كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيانىڭ وتىرىسىندا قارالدى. ورتالىق باسشىسى تارتىپتىك جاۋاپكەرشىلىككە تارتىلدى. قىزعا كامەلەتكە تولماعان ەر بالانىڭ اتا-اناسى قارجىلىق كومەك كورسەتەدى.
