پورتۋگاليا ەلشىسىمەن اڭگىمە

كەشە قازاقستان پارلامەنتى سەناتىنىڭ توراعاسى قاسىم-جومارت توقاەۆ پورتۋگاليانىڭ قازاقستانداعى توتەنشە جانە وكىلەتتى ەلشىسى (قوسا اتقارۋشى) پەدرۋ نۋنو بارتولومەن كەزدەستى, دەپ حابارلادى وسى پالاتانىڭ ءباسپاسوز قىزمەتى. ق.توقاەۆ پ.بارتولونى رەس­مي قىزمەتكە كىرىسۋى مەن سەنىم گراموتاسىن تاپسىرۋىنا بايلا­نىس­تى قۇتتىقتاپ, ونىڭ پورتۋ­گا­ليانىڭ  قازاقستانداعى ديپ­لو­ماتيالىق ميسسياسىنىڭ باس­شىسى رەتىندەگى قىزمەتى ەكى ەل­دىڭ ساياسي, ساۋدا-ەكونوميكالىق جانە گۋمانيتارلىق سالالارداعى ءوزارا ءتيىمدى ىنتىماقتاستىعىن ودان ءارى دامىتۋعا تىڭ سەرپىن بە­رەتىنىنە سەنىم ءبىلدىردى. سەنات باس­شىسى, سونىمەن قاتار, استا­نا ليسسابونمەن بارلىق سالالار مەن دەڭ­گەيلەردەگى ۇنقاتىسۋدى ىلگەرى­لە­تۋگە مۇددەلى ەكەندىگىن ايتتى. ء“بىزدىڭ ىسكەرلىك ارىپتەس­تى­گى­مىزدىڭ ءتيىمدى باعىتتارى وتىن-ەنەرگەتيكالىق, اگرارلىق, ازىق-ت ۇلىك, فارماتسەۆتيكا, قۇرىلىس سەكتورلارى مەن جەڭىل ونەركاسىپ سالاسى بولىپ تابىلادى”, – دەدى ق.توقاەۆ. جوعارعى پالاتا باسشىسى پار­لامەنتارالىق ىنتىماق­تاس­تىق­تى ودان ءارى دامىتۋ مەن نى­عايتۋ ماسەلەلەرىنە توقتالىپ, پورتۋگاليا اسسامبلەياسى ءتور­اعا­سىن قازاقستانعا رەسمي ساپارمەن كەلۋگە شاقىردى. قازاقستان سەناتىنىڭ باس­شى­سى پ.بارتولونى قازاق­ستان­نىڭ ەقىۇ توراعاسى رەتىندەگى قىزمەتى, سونداي-اق, وتكىزىلگەن ترانسازيالىق پارلامەنتتىك فورۋم جۇمىسى مەن قىرعىز­ستانداعى احۋالدى ەكونوميكالىق جانە ساياسي تۇراقتاندىرۋ شارا­لا­رى تۋرالى حاباردار ەتتى. پ.بارتولو ءوز كەزەگىندە قا­زاق­ستاننىڭ ەكونوميكالىق جانە سىرتقى ساياساتتاعى جەتىستىكتەرىن جوعارى باعالادى. ول پورتۋ­گاليا ەقىۇ ءسامميتىن شاقىرۋ ءجونىن­دەگى, قىرعىزستاندى ەكو­نو­ميكالىق ورلەتۋ باعدار­لا­ما­سىن جاساقتاۋعا قاتىستى قا­زاق­ستاندىق باستامالاردى تولىق قولدايتى­نىن مالىمدەپ, ەلىمىز­دىڭ ەقىۇ توراعالىعىن جوعارى دەڭگەيدە اتقاراتىنىنا سەنىم ءبىلدىردى.