شاعىن اۋداندارعا گاز جەتتى

بوزارىق شاعىن اۋدا­نىنىڭ حالقىمەن كەزدەسۋدە گازداندىرۋ ءىسى كەز كەلگەن شاھاردىڭ دامۋى مەن تۇرعىنداردىڭ ءومىر ساپا­سىن ارتتىرۋعا ولشەۋسىز ۇلەس قوسا­تىنىن اتاپ ءوتتى. سونداي-اق تابيعي گازدىڭ قالا ەكولوگياسىن جاقسارتۋعا تيگىزەر سەپتىگىن دە تىلگە تيەك ەتتى. سونىمەن بىرگە تۇر­عىندارعا «كوگىلدىر وتىندى» پايدالانۋ كەزىندە قاۋىپسىزدىك ەرە­جەلەرىن قاتاڭ ساقتاۋعا قاتىستى ءوتىنىش تە ءبىلدىردى.

قازىر گازداندىرۋدىڭ ەكىنشى كەزەڭى اياسىندا شامامەن 700-دەي ابونەنت تابيعي گازعا قول جەتكىزىپ وتىر. جىل سوڭىنا قاراي ءۇشىنشى كەزەڭ اياقتالعاننان كەيىن, قوسىمشا تاعى دا 700-دەن استام وتباسى تابي­عي گازبەن قامتاماسىز ەتىلەدى. سون­داي-اق وسى جىلدىڭ اياعىنا دەيىن شاھارداعى ىنتىماق-2, تاسساي, قاراتوبە شاعىن اۋداندارىن دا كوگىلدىر وتىنمەن قامتاماسىز ەتۋ جوسپارلانىپ وتىر. وسى رەتتە گاز جەلىسىنە قوسىلۋدى جىلدامداتۋ ءۇشىن تۇرعىندار «QazaqGaz Aimaq» اق-عا ءوتىنىش ءبىلدىرىپ, قۇ­جاتتاردى تاپسىرۋى قاجەت.

قالا اكىمى جۋىردا عانا 60 مىڭ­نان اسا حالقى بار قاينار­بۇلاق تۇرعىن الابىن گاز قۇبىرى جەلىسى­نە قوسۋعا ارنالعان سالتاناتتى ءىس-شاراعا دا قاتىسقان ەدى. ايتا كەتكەن ءجون, اتالعان الاپتىڭ حالقى وسىعان دەيىن كۇندەلىكتى تۇرمىستا سۇيىتىلعان گازدى قولدانىپ كەلگەن. بۇل ەلدى مەكەندە گاز قۇبىرىنىڭ قۇرىلىسى 2022 جىلى باستالعان. شاھار باسشىسى حالىقتىڭ كوممۋنالدىق قىزمەتكە بايلانىستى قاجەتتىلىگىن دەر كەزىندە وتەۋ ءۇشىن جاۋاپتى سالا ماماندارىنا گاز قۇبىرىن كەستەدەگى مەرزىمدى كۇتپەي ەرتە كەزدەن باستاپ پايدالانۋعا بەرە بەرۋ تۋرالى تاپسىرما جۇكتەگەن بولاتىن.

بۇل ورايدا اتالعان ەلدى مەكەن ابونەنتتەرىنىڭ 60 پايىزى «كوگىلدىر وتىنعا» قول جەتكىزدى, ال 40 پايىزى بيىل قاراشا ايىنىڭ سوڭىنا دەيىن قوسىلادى دەگەن جوسپار بار. قايناربۇلاقتىق تۇرعىندارى قازىردەن باستاپ تابيعي گاز قۇبىرىن ۇيلەرىنە تارتۋعا ءوتىنىش بىلدىرە الادى.

جىل سوڭىنا دەيىن جوعارىدا اتالعان ەلدى مەكەندەردەن بو­لەك, كوكتوبە شاعىن اۋدانى تۇر­عىندارىن دا «كوگىلدىر وتىنمەن» قامتاماسىز ەتۋ جوسپارلانىپ وتىر. كەلەشەكتە مەگاپوليستىڭ بارلىق شاعىن اۋدانى تابيعي گازبەن قامتىلادى.

جالپى, رەسپۋبليكادا ەلدى مەكەندەردى گازداندىرۋ جۇمىسى قارقىندى ءجۇرىپ جاتىر. 2024 جىلدىڭ قورىتىندىسى بويىنشا ەلدەگى اۋىل-قالالاردى گازداندىرۋ دەڭگەيىن 61,8 پايىزعا جەتكىزۋ ماقساتى قويىلعان. ماقسات ورىندالسا, 369 مىڭنان اسا ادام «كوگىلدىر وتىن» يگىلىگىن كورەدى نەمەسە 140 ەلدى مەكەن گازبەن قامتىلادى.