ۆيترەورەتينالدى حيرۋرگيا – كوز تورى مەن اينەك ءتارىزدى دەنە اۋرۋلارىنىڭ اۋىر تۇرلەرى كەزىندەگى وتالارىمەن بايلانىستى اۋىر كەسەل. بۇل دەرت قازىر بۇكىل جاھاندا كۇرت دامىپ كەلە جاتقان كوز حيرۋرگياسىنىڭ ەڭ كۇردەلى سالاسىمەن بايلانىستى زاماناۋي مەديتسينانىڭ ەڭ جوعارى تەحنولوگيالىق باعىتتارىنىڭ ءبىرى.
اسىرەسە, سوڭعى 10 جىلدا ەلىمىزدە بالالار اراسىندا كوز تورى مەن اينەك ءتارىزدى دەنە كىناراتى بەلەڭ العاندىقتان, بالالار جەدەل مەديتسينالىق جاردەم ورتالىعىنىڭ كوز ميكروحيرۋرگياسى بولىمشەسى نەگىزىنەن شالا تۋعان نارەستەلەردىڭ رەتينوپاتياسى, وتباسىلىق ەكسسۋداتيۆتىك ۆيترەورەتينوپاتياسى سىندى, كواتس رەتينيتى مەن كوزدىڭ باسقا دا اۋىر كەسەلدەرىنە وپەراتسيالار جاساۋعا كوشكەن.
«وسى ورايدا كومپانيامىز قازاقستانداعى بالالار وفتالمولوگياسىنىڭ وزىق قىزمەتتەرىن دامىتۋعا سەپتەسىپ جاتقانىن ماقتان تۇتادى. ءبىز مەديتسينالىق مەكەمەلەردى جابدىقتاپ, مامانداندىرىلعان وفتالمولوگتاردى وقىتا وتىرىپ, كوزدىڭ كۇردەلى پاتولوگياسى بار بالالاردى وتانىمىزدا جوعارى ساپالى مەديتسينالىق كومەكپەن قامتاماسىز ەتۋگە كومەكتەسەمىز. بۇل باستاما ءبىزدىڭ مەديتسينالىق كومەككە قولجەتىمدىلىكتى جاقسارتا وتىرىپ, وتانداستارىمىزدى ەمدەۋ ساپاسىن جاقسارتۋعا بەيىلدىلىگىمىزدى كورسەتەدى», دەيدى «شەۆرون» كومپانياسىنىڭ ەۋرازيالىق بولىمشەسىنىڭ كورپوراتيۆتىك بايلانىستار جونىندەگى ديرەكتورى ەركىن زىكىباەۆ.
قالاي دەسەك تە, سوڭعى جىلدارى قازاقستاندا بالالاردىڭ ۆيترەورەتينالدى جانە لازەرلىك حيرۋرگياسى دامىپ كەلەدى. قازىر وسى دەرتكە شالدىققان بالالاردىڭ كوبەيۋىنە بايلانىستى ولارعا الماتىداعى كوپبەيىندى بالالار شۇعىل مەديتسينالىق جاردەم ورتالىعىنىڭ بازاسىندا وتا جاسالىنىپ جاتىر. مۇندا 2 ايلىق نارەستەلەردەن باستاپ, ودان دا ۇلكەنىرەك سابيلەرگە دەليدە بالالار ۆيترەورەتينالدى حيرۋرگياسى بويىنشا الەمگە تانىمال مامان پروفەسسور نيحيل پالدان ءدارىس العان وفتالمولوگ-حيرۋرگتەر بريگاداسى قاجەتتى حيرۋرگيالىق ەم-دوم جۇرگىزە الادى.
بالالار شۇعىل مەديتسينالىق جاردەم ورتالىعىندا وتكەن ايتۋلى وقيعاعا وراي, الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نازگۇل يمانعاليەۆا: ء«بىزدىڭ باسقارما بالالار دەنساۋلىعىن ساقتاۋدا يننوۆاتسيالىق تاسىلدەردى دامىتۋ مەن ەنگىزۋدى تولىعىمەن قولدايدى. سونداي-اق ءبىز حالىققا مەملەكەتتىك مەديتسينالىق ورتالىقتاردا كورسەتىلەتىن وزىق مەديتسينالىق قىزمەتتەردىڭ قولجەتىمدىلىگىن كەڭەيتۋدى قولدايمىز», دەيدى.
ورايى كەلىپ تۇرعاندا, Constellation Vision وفتالمولوگيالىق حيرۋرگيالىق جۇيەسى كوزدىڭ الدىڭعى جانە ارتقى بولىكتەرىنىڭ ءتۇرلى پاتولوگيالارى كەزىندە لازەرلىك ءارى ۆيترەورەتينالدىق وتالاردى جۇرگىزۋگە ارنالعان زاماناۋي مەديتسينالىق كەشەن ەكەندىگىن اتاپ ءوتۋ كەرەك. ول اينەك ءتارىزدى دەنە مەن تىندەردى كەسۋگە, كوز بۇرشاعىن ەمۋلسيالاۋعا, كوز الماسىنىڭ ارتقى بولىگىن جارىقتاندىرىپ, قان كەتۋدى توقتاتۋ ءۇشىن دياتەرميانى قولدانۋعا جانە ۆيترەورەتينالدى وتالار جاساۋ كەزىندە قاجەتتى باسقا دا ونداعان مانيپۋلياتسيالاردى جۇرگىزۋگە مۇمكىندىك بەرەدى.
ماڭىزدى وقيعا بارىسىندا AYALA قايىرىمدىلىق قورىنىڭ نەگىزىن قالاۋشى ءارى پرەزيدەنتى ايدان سۇلەيمەنوۆا: «بيىلعى قاڭتار-قازان ايلارىندا ەلىمىزدەگى 57 بالا اتا-انالارىمەن بىرگە ۆيترەورەتينالدى وتا جاساۋ ءۇشىن شەتەلدەرگە, ءۇندىستان مەن رەسەيگە بارۋعا ءماجبۇر بولدى. بۇگىن ىسكە اسىرىلىپ وتىرعان جوبانىڭ ارقاسىندا ءبىز اتا-انالاردىڭ وسىنداي وتالاردى جاساتۋ ءۇشىن شەتەل اسىپ, قىرۋار قارجى شاشۋىن توقتاتا الامىز دەپ ويلايمىن. جانە قازاقستانداعى بالالار وفتالمولوگيالىق قىزمەتىن دامىتۋعا بەلسەندى ۇلەس قوسىپ, وسى ورايدا «شەۆرون» كومپانياسىمەن كۇش-جىگەرىمىزدى بىرىكتىرىپ, قولداعانى ءۇشىن العىس ايتامىز», دەدى.
الماتى
