شىلدەگە دەيىن 72 يندۋستريالىق جوبا ىسكە قوسىلادى

ۇكىمەتتەگى سەلەكتورلىق كەڭەستە وسى ماسەلە تاعى ءبىر پىسىقتالدى پرەمەر-مينستر كارىم ءماسىموۆتىڭ توراعالىعىمەن وتكەن كەشەگى ۇكىمەتتىڭ سەلەكتورلىق كەڭەسىندە ۇستىمىزدەگى جىلدىڭ ءى جارتىجىلدىعىندا ىسكە قوسىلاتىن يندۋستريالىق جوبالاردىڭ ورىندالۋ بارىسى قارالدى. سەلەكتورلىق كەڭەستى اشقان ۇكىمەت باسشىسى الدىمىزداعى دۇيسەنبىدە ەلباسى تاپسىرماسى­مەن ازىرلەنگەن يندۋستريالىق جوبالار باعدارلاماسىن اشۋ ءراسىمى بولاتىندىعىن اتاپ كور­سە­تە كەلە وسىعان بايلانىستى ءما­سەلەنى تاعى دا ءبىر پىسىق­تاۋ­دىڭ قاجەت بولعاندىعىن ايتتى. اتالعان ماسەلە بويىنشا حابارلاما جاساعان ەكونوميكا­لىق دامۋ جانە ساۋدا ءمينيسترى­نىڭ ورىنباسارى البەرت راۋ قازاقستاننىڭ يندۋستريالان­دى­رۋ كارتاسىنا سايكەس ۇستىمىزدەگى جىلدىڭ 1 شىلدەسىنە دەيىن ەلى­مىز­دە 342 ميلليارد تەڭگەنىڭ 72 ينۆەستيتسيالىق جوباسى ىسكە قوسىلاتىندىعىن ايتتى. وسى ارقىلى 10 مىڭنان استام جاڭا تۇراقتى جۇمىس ورنى اشىلاتىن بولادى. قازىرگى كۇنگە دەيىن اتالعان قارجىنىڭ 97 پايىزى يگەرىلىپتى. البەرت راۋ وسى جەردە 72 جو­بانىڭ 68-ءى جاڭا ءوندىرىس ورنى بولىپ تابىلاتىندىعىن اتاپ كورسەتە كەتتى. 22 ماۋسىمداعى مالىمەت بويىنشا 72 جوبانىڭ 30-دان استامى ىسكە قوسىلىپ ءۇل­گەرىلگەن. سولاردىڭ ىشىندە اليۋ­ميني زاۋىتىنىڭ ەكىنشى كەزەگى, مەتالپروكات زاۋىتى سەكىلدى ءىرى جوبالار بار. ماۋسىم ايىنىڭ سوڭىنا دەيىن قالعان جوبالاردىڭ دا ىسكە قوسۋ اكتىسى دايىن بولۋعا ءتيىس. سونىمەن قازىرگى كۇنى ەلى­مىزدە ءار كۇن سايىن جوبالاردى ىسكە قوسۋ جونىندەگى ماڭىزدى جۇمىستار قىزۋ جۇرگىزىلىپ جاتىر دەپ ايتۋعا بولادى. ماسەلەن, سە­لەكتورلىق كەڭەس وتكەن ءدال وسى كۇننىڭ وزىندە وڭتۇستىك قازاق­ستان وبلىسىنداعى اۆتوماتتان­دىر­ىلعان ءجىپ ءيىرۋ فابريكاسى, شىعىس قازاقستان وبلىسىنداعى كۇشتىك جانە باقىلاۋ كابەل­دەرىنىڭ ءوندىرىسىن ىسكە قوسۋ اكتىسى ءازىر بولۋعا ءتيىس. وسى سوڭعى ەكى جوبانىڭ قۇنىنىڭ ءوزى تيىسىنشە 6 ميلليارد 30 ميلليون تەڭگەنى جانە 753 ميلليون تەڭگەنى قۇ­رايتىندىعىن اتاپ كورسەتە كەتسەك ارتىق بولماس. مۇنان كەيىن ءسوز العان پرە­مەر-ءمينيستردىڭ ورىنباسارى – ەكونوميكالىق دامۋ جانە ساۋدا ءمينيسترى اسەت يسەكەشوۆ ين­دۋستريالىق جوبالاردى ىسكە قوسۋ جونىندەگى جۇمىستار ءار كۇن سايىن ءجۇرىپ جاتقاندىعىن, ءار كۇن سايىن ءاربىر جوبا بويىنشا ناقتى تال­قى­لاۋلار ۇيىمداس­تى­رىلاتىندىعىن جەتكىزدى. بايلانىس جانە اقپارات مي­نيسترى اسقار جۇماعاليەۆ ين­دۋس­تريالىق جوبالاردى ىسكە قو­سۋعا جانە استاناداعى جاڭا ۋني­ۆەرسيتەتتىڭ اشىلۋىنا بايلا­نىس­تى وتەتىن تەلەكوپىرگە ازىرلىك جۇمىستارى جايىندا جەكە بايان­دادى. ءمينيستردىڭ ايتۋى بوي­ىن­شا, بۇل جونىندەگى جۇمىستار ونىڭ قاتىسۋشىلارى­مەن ارادا قىزۋ جۇرگىزىلۋدە. تەلەكوپىردى وتكىزۋدىڭ ستسەناريى ءازىر بولعان. مۇنان كەيىن اسقار جۇماعاليەۆ ازىرلىك جۇمىستارى­نىڭ ءاربىر ساتىسىنا جەكە توقتالدى. سەلەكتورلىق كەڭەسكە ونلاين رەجىمدەگى ينتەراكتيۆتىك باي­لا­نىس ارقىلى ءاربىر ءوڭىر باسشى­لارى قاتىسىپ وتىردى. ولاردىڭ بار­لى­عى يندۋستريالىق جوبا­لار­دى ىسكە قوسۋعا تاپ-تۇيناقتاي ازىرلىكتەر ءجۇر­گىزىلىپ جاتقاندى­عىن, جۇمىس­تىڭ كەستە بويىنشا جۇرگىزىلۋى قاتاڭ باقىلاۋدا ەكەن­دىگىن ايتىپ بەردى. سەلەكتورلىق كەڭەستى ۇكىمەت باسشىسى كارىم ءماسىموۆ قورى­تىندىلادى. سۇڭعات ءالىپباي.