فوتولار: اقتوبە وبلىسى اكىمدىگى
اقتوبە وبلىسى اكىمدىگىنىڭ ءباسپاسوز قىزمەتىنىڭ ءمالىم ەتۋىنشە, جاڭا وقۋ جىلىندا باعدارلاماعا 128 ستۋدەنت قابىلدانعان. ونىڭ ىشىندە, اقتوبە اۆتوجول كوللەدجىنە 58, سەرۆيس كوللەدجىنە 40 جانە ويىل كاسىپتىك كوللەدجىنە 30 ستۋدەنت وقۋعا تۇسكەن. بۇگىندە 199 ستۋدەنت تەحنيك-مەحانيك, تىگىنشى, اۋىل شارۋاشىلىعىن مەحانيكالاندىرۋ, اسپازشى ماماندىقتارى بويىنشا ءبىلىم الىپ جاتىر. باعدارلاماعا اقتوبە قالاسىنداعى №1 جانە №39 ورتا مەكتەپتەرى, سونداي-اق ويىل قازاق ورتا مەكتەبى قاتىسقان. وقۋشىلارعا ماماندىقتاردى يگەرۋ ارقىلى ەڭبەك نارىعىندا سۇرانىسقا يە بولۋ مۇمكىندىگى بەرىلىپ وتىر. اتالعان باستاما – وڭىردەگى كادر تاپشىلىعىن ازايتۋعا جانە جاستاردى ەڭبەككە باۋلۋعا باعىتتالعان.
2025 جىلدىڭ قاڭتارىندا العاشقى تۇلەكتەرگە ديپلومدار تابىستالادى. وسىلايشا, مەكتەپ تۇلەكتەرى ەڭبەك نارىعىنا دايىن مامان بولىپ شىعادى دەپ كۇتىلىپ وتىر.
