فوتو: pharmmedprom.ru
«NOBEL Pharmaceuticals» حالىقارالىق حولدينگىنىڭ بولىگى «نوبەل الماتى فارماتسەۆتيكالىق فابريكاسى» اق وتاندىق نارىقتا وندىرىستىك قۋاتىن كەڭەيتۋدى جانە ودان ءارى لوكاليزاتسيالاۋدى جوسپارلاپ وتىر. 2025 جىلى كومپانيا شىعارىلاتىن ونىم كولەمىن 25 ملن قاپتاماعا دەيىن ۇلعايتۋعا نيەتتى.
«مەملەكەتتىك قولداۋدىڭ ارقاسىندا ءبىزدىڭ كومپانيامەن 11 ۇزاق مەرزىمدى شارت جاسالدى, ونىڭ شەڭبەرىندە 2025 جىلى ءبىز 106 اتاۋدى جەتكىزۋدى جوسپارلاپ وتىرمىز. 11 پرەپارات العاش رەت ىسكە قوسىلدى, ونىڭ ىشىندە Roche كومپانياسىمەن كەلىسىمشارتتىق ءوندىرىس بويىنشا 4 تۇپنۇسقا پرەپارات بار», دەدى «نوبەل افف» باس اتقارۋشى ديرەكتورى سۆەتلانا كيل.
سونىمەن قاتار الماتىدا $70 ملن سوماسىنا جوعارى تەحنولوگيالىق دارىلىك زاتتاردى شىعارۋ ءۇشىن جاڭا زاۋىت سالۋ جوسپارلانعان. قازاقستان ءۇشىن بىرەگەي سانالاتىن جاڭا بۋىننىڭ R&D زەرتحاناسى مەن اۆتوماتتاندىرىلعان قويماسى قۇرىلادى.
ۇكىمەت باسشىسى ولجاس بەكتەنوۆ كومپانيانىڭ باستامالارىنا قولداۋ ءبىلدىرىپ, ەلىمىزدىڭ فارماتسەۆتيكا سالاسىن ودان ءارى دامىتۋدىڭ ماڭىزىن اتاپ ءوتتى.
«قازاقستاندا ودان ءارى ينۆەستيتسيالاۋ بويىنشا الداعى جوسپارلارىڭىزدى ءبىزدى قۋانتادى. جاڭا زاۋىتتىڭ قۇرىلىسى بويىنشا ءبىز بارلىق قاجەتتى قولداۋدى كورسەتەمىز. نوبەل تاراپىنان قازاقستاندا الەمدىك دەڭگەيدەگى جوعارى ساپالى فارماتسەۆتيكالىق قۇرالداردى ءوندىرۋ بويىنشا قۇزىرەت پايدا بولۋى ءۇشىن ودان ءارى لوكاليزاتسيالاۋدى, جەرگىلىكتى كادرلاردىڭ بىلىكتىلىگىن ارتتىرۋدى, ولاردى وقۋعا تارتۋ ءۇشىن بارىنشا جۇمىس ىستەيسىزدەر دەپ كۇتەمىز. بۇل جەردە ءوزارا ءتيىمدى پروتسەسس بولۋى ءتيىس دەپ ويلايمىن», دەدى ولجاس بەكتەنوۆ.
