پرەزيدەنت تاپسىرماسىن ورىنداۋ اياسىندا, ۇكىمەت قولداۋىمەن 2025 جىلدىڭ كوكتەمگى ەگىن ەگۋ جانە كۇزگى جيىن-تەرىن جۇمىستارىنا 700 ملرد تەڭگەگە جۋىق قارجى بولىنەدى. ونىڭ 560 ملرد تەڭگەگە جۋىعىن «بايتەرەك» ۇبح» اق مەن «اگرارلىق نەسيە كورپوراتسياسى» نارىق كاپيتالىنان تارتادى.
ء«بىز كوكتەمگى ەگىن ەگۋ مەن كۇزگى جيىن-تەرىن جۇمىستارىن جۇرگىزۋ ءۇشىن قارجىلاندىرۋعا ءوتىنىم قابىلداۋدى بيىل ەرتە باستاپ كەتتىك. جىل سوڭىنا دەيىن 100 ملرد تەڭگەنىڭ ءوتىنىمىن قابىلدايمىز دەپ جوسپارلاپ وتىرمىز. سونىمەن قاتار مەملەكەتتىك قولداۋ شارالارى بۇرىنعىداي ساقتالادى جانە فەرمەرلەر نەسيەسىن ادەتتەگى شارتتارمەن تولەي الادى», دەدى «اگرارلىق نەسيە كورپوراتسياسى» اق باسقارما توراعاسى المات اشىربەكوۆ.
ايتا كەتۋ كەرەك, بيىل كورپوراتسيا كوكتەمگى ەگىن ەگۋ مەن كۇزگى جيىن-تەرىم جۇمىستارىنا 320 ملرد تەڭگە ءبولدى. 2023 جىلى 140 ملرد تەڭگە بەرىلگەن ەدى.
«2022 جىلدان بەرى «اگرارلىق نەسيە كورپوراتسياسى» قارجىلاندىرۋ شارتتارىن جەڭىلدەتىپ كەلەدى. ەگەر بۇعان دەيىن كوكتەمگى ەگىن ەگۋ مەن كۇزگى جيىن-تەرىن جۇمىستارىن جۇرگىزۋگە بيۋدجەت قاراجاتى ەسەبىنەن جىلىنا 5% مولشەرلەمە بويىنشا شامامەن 60-70 ملرد تەڭگە بەرىلسە, 2022 جىلدان باستاپ بيۋدجەتتىك نەسيەلەۋ ەسەبىنەن قارجىلاندىرۋ كولەمىن ەكى ەسەگە ارتتىردىق جانە نەسيەنى قايتارۋ مەرزىمىن ۇلعايتتىق. بۇرىن نەسيە قاراجاتىن جەلتوقسان ايىندا قايتارۋ كەرەك بولعان, ءبىز ناۋرىز ايىنا دەيىن سوزدىق. بۇل فەرمەرلەردى قولداۋ ءۇشىن جاسالدى. بۇل – فەرمەرلەردىڭ استىقتارىن قولايلى باعادا ساتۋلارى ءۇشىن بەرىلگەن مۇمكىندىك», دەيدى المات اشىربەكوۆ.
وسىلايشا, اۋىل شارۋاشىلىعى تاۋارىن وندىرۋشىلەر مەملەكەتتىك قولداۋ شارالارىنىڭ ارقاسىندا بارىنشا قولايلى جاعدايدا قارجىلىق قولداۋعا يە بولادى. بىرىنشىدەن, ولار ءۇشىن «كەڭ دالا 2» باعدارلاماسى بويىنشا جىلدىق سىياقى مولشەرلەمەسى 5% دەڭگەيىندە ساقتالدى. ەكىنشىدەن, كوبىنە اگروونەركاسىپ كەشەنى سۋبەكتىلەرى كورپوراتسيادان نەسيە الۋعا كەلگەندە كەپىلدىك جەتىسپەۋشىلىگى پروبلەماسىنا تاپ بولادى. بۇل – اۋىل شارۋاشىلىعى سالاسىنىڭ بارلىق كاسىپكەرى مەن قوعامدىق ۇيىمدارى ايتىپ جۇرگەن ماسەلە ەدى. ەندى ونىڭ دا شەشىمى بار. مەملەكەتتىك قولداۋدىڭ سىناقتان وتكەن تەتىگىنە سايكەس, «كەڭ دالا 2» باعدارلاماسى بويىنشا «دامۋ» كاسىپكەرلىكتى دامىتۋ قورى كەپىلدەندىرەتىن قۇرال ۇسىنادى.
ءوز كەزەگىندە, «اگرارلىق نەسيە كورپوراتسياسىنىڭ» ەنشىلەس كومپانياسى «قازاگروقارجى» اق جىلدىق سىياقى مولشەرلەمەسى 5% بولاتىن جەڭىلدەتىلگەن ليزينگ باعدارلاماسىن ىسكە قوستى. باعدارلاما وتاندىق وندىرۋشىلەردىڭ اۋىل شارۋاشىلىعى تەحنيكاسىن ساتىپ الۋى ءۇشىن 7 جىلعا دەيىنگى مەرزىمگە قارجىلاندىرادى. بۇگىندە كوپتەگەن قارجى ينستيتۋتى اۋىل شارۋاشىلىعىن قارجىلاندىرادى. دەگەنمەن اوك-ءتى قارجىلاندىرۋدى قامتاماسىز ەتۋدەگى نەگىزگى ۇلەس «اگرارلىق نەسيە كورپوراتسياسىنا» تيەسىلى. بىرنەشە جىلدان بەرى كورپوراتسيا ءوز قىزمەتىن بىرتىندەپ جاقسارتىپ كەلەدى جانە سەكتوردى قارجىلاندىرۋ كولەمىن ارتتىرىپ جاتىر.
كەڭەس الۋ ءۇشىن جانە «كەڭ دالا 2» باعدارلاماسىنا ءوتىنىم بەرۋ ءۇشىن «اگرارلىق نەسيە كورپوراتسياسىنىڭ» ايماقتاعى فيليالدارىنا بارۋ قاجەت. قوسىمشا اقپاراتتى «Agrocredit.kz» سايتىنان الۋعا بولادى. «Kcell», «Activ», «Beeline» ابونەنتتەرى ءۇشىن 5353 Call center ءنومىرى, «Tele 2», «Altel» ءۇشىن 8 701 006 19 91 تەلەفون ءنومىرى جۇمىس ىستەيدى.
