سەنىم گراموتالارىن قابىلدادى

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى — سىرتقى ىستەر ءمينيسترى قانات ساۋداباەۆ البانيا, يندونەزيا, پورتۋگاليا جانە ءفيليپپيننىڭ قازاقستانداعى توتەنشە جانە وكىلەتتى ەلشى قىزمەتىن قوسا اتقارۋشىلار – سوكول گيوك, موحاماد اسرۋحين, پەدرو نۋنو بارتولو جانە يسۋس ينەسس يابەستەن سەنىم گراموتالارىن قابىلدادى. سەنىم گراموتالارىن قا­بىل­داعان سوڭ ق.ساۋداباەۆ ولاردىڭ ارقايسىسىمەن جەكە جۇزدەسىپ, ەكى جاققا دا ءتيىمدى ىنتىماقتاستىقتاردى تەرەڭ­دەتۋ باعىتىنداعى جوسپار­لا­رىمەن تانىستى. كەزدەسۋدەن شىققان ديپلوماتتار جۋرنا­ليس­تەرگە سۇحباتتان تۇيگەن وي­لا­رىن ايتتى. سونىڭ ىشىندە البانيا­نىڭ ەلشىسى س.گيوك قازاق­ستان­مەن ەكى اراداعى ىنتى­ماق­تاس­تىق­تى دامىتۋعا ىقىلاستى ەكە­نىن جەتكىزدى. مەن قازاقستاندا بولعان ۋاقىتىمدا ساياسي جانە ەكونوميكالىق قاتىناستار عانا ەمەس, ءبىلىم بەرۋ, مادەنيەت, تۋ­ريزم سالالارىنداعى ىنتىماق­تاستىقتاردى دامىتۋعا كۇش سا­لاتىن بولامىن, دەدى ول. بۇگىنگى كۇنى جاس مەملەكەت بولعانىنا قاراماي, قازاق­ستان­دى بارلىق الەم سىيلاي باس­تاعانىنا كۋا بولىپ ءجۇرمىز, دەدى ءوزىنىڭ سوزىندە پورتۋگاليانىڭ ەلشىسى پ.بارتولو. قازاقستان وتە ماڭىزدى الەمدىك مۇددەلەردىڭ قيىلىسىندا ورنالاسقان ەل رەتىندە قازىر كوپتەگەن ۇلتتار جانە وركەنيەتتەر اراسىنا كوپىر سالۋعا تىرىسۋدا. سوندىقتان پورتۋگاليا دا وسىنداي مەملەكەتپەن دوستىق قارىم-قاتىناس ورناتۋعا مۇددەلى. كەلەسى كەزەكتە ەلشى ەقىۇ-نىڭ مۇشەسى رەتىندە دە قازاق­ستان­نىڭ توراعا لاۋازىمىنداعى باس­تا­مالارىن قولدايتىندارىن, سونىڭ ىشىندە مۇشە ەلدەر باسشىلارىنىڭ ءسامميتىن وتكىزۋ يدەياسىن دا دۇرىس دەپ سانايتىندارىن ءبىلدىردى. سو­نى­مەن بىرگە, پورتۋگاليا قازاق­ستان­دى ايماقتاعى عانا ەمەس, ەۋرو­ات­لانتيكالىق كەڭىستىكتەگى ماڭىز­دى ەل دەپ تانيدى. ەكىجاقتى قاتى­ناس­تار باعىتىندا ءبىز ەكو­نو­مي­كا­لىق ىنتىماقتاستىقتاردى دامى­تۋ­عا كۇش سالاتىن بولامىز, دەدى ول. يندونەزيالىق م.اسرۋحين ءوز ەلىنىڭ قازاقستانداعى ەلشىسى بو­لىپ تاعايىندالعانىن ۇلكەن ءمار­تەبە سانايتىنىن ايتا كەلىپ, قو­لى­نان كەلگەن بارلىق مۇمكىن­شى­لىكتەردى جاساپ, ەكى ەلدىڭ اراسىن­دا­عى ىنتىماقتاستىقتاردى تەرەڭ­دە­تۋگە قىزمەت ەتەتىنىن جەتكىزدى. فيليپپين ەلشىسى ي.يابەس مەم­لەكەتتىك حاتشى – سىرتقى ءىس­تەر ءمينيسترى ق.ساۋداباەۆپەن بول­عان اڭگىمەگە ءوزىنىڭ تولىق  قانا­عات­تانعانىن جەتكىزە كەلىپ, ەكى­جاق­تى قارىم-قاتىناستاردىڭ تەرەڭ­دەي تۇسۋىنە قىزمەت ەتەتىنىن ايتتى. سونىڭ ىشىندە ينۆەستيتسيا, ساۋدا, تۋ­ريزم سالالارىنداعى ىن­تى­ماق­تاستىقتاردى تەرەڭدەتۋ پەرس­پەك­تيۆالارى زور ەكەنىن اۋىزعا الدى. جاقسىباي سامرات.