بۇل جەتىستىك ۋنيۆەرسيتەتتەگى ءبىلىم بەرۋ باعدارلاماسىنىڭ جوعارى دەڭگەيىن كورسەتىپ, حالىقارالىق ستاندارتتارعا ساي بولۋعا جانە ستراتەگيالىق وزگەرىستەر باعىتىن ىلگەرىلەتە ءتۇستى.
«QS Stars» حالىقارالىق جۇيەسىندەگى شاكارىم ۋنيۆەرسيتەتىنىڭ «جۇلدىزدى» كورسەتكىشى – اتالعان وقۋ ورنى ستاندارتىنىڭ بەس نەگىزگى باعىت بويىنشا ساپالى ەكەنىن ايشىقتادى. ەڭ جوعارى 5 جۇلدىز ء«بىلىم بەرۋ», «جۇمىسپەن قامتۋ», «باسقارۋ», «الەۋمەتتىك ىقپال» جانە «كۇشتى باعدارلاما» سياقتى كاتەگوريالار بويىنشا بەرىلگەن. مۇنداعى «كۇشتى باعدارلاما» «حيميا-بيولوگيا» ءبىلىم بەرۋ باعدارلاماسىنا قاتىستى. سونىمەن قاتار «ينفراقۇرىلىم», «ارتۇرلىلىك, تەڭدىك جانە ينكليۋزيۆتىلىك», «اكادەميالىق دامۋ» جانە «ينتەرناتسيونالداندىرۋ» باعىتى بويىنشا دا 4 جۇلدىزعا يە بولدى. جوعارى باسەكەلەستىك جاعدايىندا بۇل دەڭگەيگە جەتۋ – ۋنيۆەرسيتەتتىڭ ءبىلىم بەرۋ ساپاسىن ارتتىرۋ, عىلىمي زەرتتەۋلەردى دامىتۋ جانە حالىقارالىق بايلانىستاردى نىعايتۋ بويىنشا جۇزەگە اسىرعان دايەكتى ستراتەگياسىنىڭ ناتيجەسى.
قازىر جوعارى وقۋ ورنىندا وقىتۋشىلار قۇرامىنىڭ 37 پايىزىن قۇرايتىن جاس كادرلاردى دامىتۋعا باعىتتالعان يگىلىكتى جۇمىستار اتقارىلىپ جاتىر.
ءبىر سوزبەن ايتقاندا, كوڭىل قۋانتار كورسەتكىش – شاكارىم ۋنيۆەرسيتەتىنىڭ ءبىلىم بەرۋ جانە عىلىمي باستامالاردى قولداۋ مەن ىسكە اسىرۋدىڭ ناقتى پلاتفورماسى بولىپ وتىر.
