فوتو: اشىق دەرەككوز
مادەنيەت جانە اقپارات مينيسترلىگىنىڭ مالىمەتى بويىنشا, قازاقستاندا 25 مىڭنان استام تاريحي-مادەني مۇرا نىساندارى بار. ونىڭ ىشىندە 12 مىڭنان استامى رەسپۋبليكالىق جانە جەرگىلىكتى ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنسە, 13 مىڭعا جۋىعى تاريحي-مادەني مۇرا وبەكتىلەرىنە جاتقىزىلعان.
«قازاقستان رەسپۋبليكاسى «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭىنىڭ 10 جانە 11-باپتارىنا سايكەس ولاردىڭ جاي-كۇيىنە مونيتورينگ جۇرگىزىلەدى. مەملەكەتتىك تىزبەدە تەحنيكالىق جاعدايى ناشارلاعان جانە عىلىمي قالپىنا كەلتىرۋ جۇمىستارىن قاجەت ەتەتىن وبەكتىلەر ايقىندالادى. ودان كەيىن قالپىنا كەلتىرۋ جۇمىستارىن جۇرگىزۋ ءۇشىن مەملەكەتتىك ورگاندارعا ۇسىنىمدار جىبەرىلەدى», دەلىنگەن حابارلامادا.
ۆەدومستۆونىڭ حابارلاۋىنشا, جەرگىلىكتى ماڭىزى بار ەسكەرتكىشتەردى رەستاۆراتسيالاۋ جۇمىستارى جەرگىلىكتى بيۋدجەتتەن, ال رەسپۋبليكالىق ماڭىزى بار ەسكەرتكىشتەر بويىنشا رەسپۋبليكالىق بيۋدجەتتەن قارجىلاندىرىلادى.
«بيىل رەسپۋبليكالىق بيۋدجەتتەن 33 ەسكەرتكىشكە عىلىمي رەستاۆراتسيا جاسالدى, ونىڭ 9-ى كەسەنە, ونىڭ ىشىندە قوجا احمەت ياساۋي, اسان اتا, وقشى اتا, شوقاي داتقا, ءسۇيىنباي ارون ۇلى, سىرلىتام جانە ءجۇسىپ اتا كەسەنەلەرى», دەلىنگەن حابارلامادا.
