جۇزدەن جۇيرىك جۋرناليستەر

قازاقستان جۋرناليستەر وداعىنىڭ باسقارماسى ۇزدىك جۇمىستارعا دەگەن رەس­پۋبليكالىق شىعارماشىلىق كونكۋرستىڭ قورىتىندىلارىن قاراي كەلىپ, باق قىزمەتكەرلەرىنە مىناداي نوميناتسيالاردا قازاقستان جۋرناليستەر وداعى سىيلى­عى­نىڭ 2010 جىلعى لاۋرەاتتارى اتاعىن بەردى: 1. رەپورتەرلىك جۇمىس –  ولگا كوۆا­لەنكوعا, “جاڭالىقتار” رەسەي اقپاراتتىق اگەنتتىگىنىڭ قازاقستان بويىنشا مەنشىكتى ءتىلشىسى – ەلدەگى اسا ماڭىزدى قوعامدىق-ساياسي وقيعالاردى جەدەل جازىپ كور­سەتكەنى ءۇشىن; قانشايىم بايداۋلەتوۆاعا, “ايقىن” گازەتىنىڭ ءتىلشىسى – قازاق­ستاننىڭ جەتەكشى باق باسشىلارىمەن جۇرگىزىلگەن “ارىپتەستەر الەمى” سۇحبات توپتاماسى ءۇشىن. 2. ەكونوميكالىق شولۋ – يبراگيم كوبەكوۆكە, “يسسىك” اۋداندىق جەكەمەن­شىك گازەتىنىڭ رەداكتورى, كوسەمالى ءسات­تىباي ۇلىنا, “ەگەمەن قازاقستان” گازەتىنىڭ جامبىل وبلىسى بويىنشا مەنشىكتى ءتىل­شىسى – وڭىرلەردىڭ الەۋمەتتىك-ەكونو­مي­كالىق دامۋى تۋرالى جاريالانىمدارى ءۇشىن. 3. ساياسي شولۋ – امانتاي داندىعۇلوۆ­قا, “نوۆايا گازەتا – كازاحستان” با­سى­لىمىنىڭ باس رەداكتورى – ەلدەگى ازا­مات­تىق قوعامنىڭ دامۋ جولدارى تۋرالى پۋبليتسيستيكالىق ماقالالارى ءۇشىن; رامازان ەسەرگەپوۆكە,  جۋرناليست – ءسوز بوستاندىعىن جانە قازاقستان جۋرنا­ليس­تەرىنىڭ قۇقىعىن قورعاۋداعى جاريالا­نىم­دارى ءۇشىن. 4. جۋرناليستىك زەرتتەۋ – ماريا يماەۆاعا, “كتك” تەلەارناسىنىڭ ءتىلشىسى – ۇلى وتان سوعىسىندا قازا تاپقان جاۋىنگەر قازاقستاندىقتار تۋرالى “ستەرتىە يمەنا” ءفيلمىن ازىرلەگەنى ءۇشىن. 5. ىزدەنىس ماتەريالى – حەلچا يس­ماي­لوۆاعا, “ۆرەميا” گازەتىنىڭ ءجۋرناليسى – وسى گازەتتىڭ بەتتەرىندە قازاقستاندىق­تار­دىڭ جاڭا ۇرپاعىنىڭ ادامگەرشىلىك تاربيەسى تۋرالى جاريالانىمدار توپ­تا­ماسى ءۇشىن; نۇرماحان ورازبەكوۆكە, كو­سەم­سوزشى –  قازاقستان تاۋەلسىزدىگىنىڭ قا­لىپتاسۋى تۋرالى بىرەگەي ماتەريالدار ازىرلەگەنى ءۇشىن. 6. تەلەۆيزيالىق جۇمىس – قازاقستان پرەزيدەنتى تەلەراديوكەشەنىنىڭ شىعار­ما­شىلىق ۇجىمىنا (ەرلان بەكحوجين – جوبا جەتەكشىسى) – “نازارباەۆ فەنو­مەنى” تەلەۆيزيالىق ءفيلمىن ازىرلەگەنى ءۇشىن; نارتاي وتەگەنوۆكە, رەداكتور, ايتولقىن ىقسانوۆاعا, رەجيسسەر – “قا­زاقستان” ۇلتتىق تەلەارناسىندا سىبايلاس جەمقورلىققا قارسى “قىلمىس پەن جازا” باعدارلاماسىن ازىرلەگەنى ءۇشىن. 7. زەرتتەۋ جۇمىسى – جاقىپجان نۇرعوجاەۆقا, مارات توقاشباەۆقا, جۋر­نا­ليستەر – مەملەكەتتىك ەگەمەندىكتى ساق­تاۋ مەن نىعايتۋ تۋرالى رەسپۋبليكا­لىق باسپاسوزدەگى تالداۋ ماتەريالدارى ءۇشىن. 8. فوتوجۇمىس – بەرىك بارىسبەكوۆكە, جوبا جەتەكشىسى, تۇرار كەلماعامبەتوۆكە, فارحات قابدىقايىروۆقا – فوتوگرافتار – قازاقستاننىڭ ەقىۇ-عا توراعالىعى اياسىندا “قازاقستان اسپاننان” فوتوال­بومىن ازىرلەۋ كەزىندەگى كاسىبي شەبەرلىگى ءۇشىن. 9. مەديا-جوبا – گاۋھار جانپەيىسوۆا­عا, جوبا اۆتورى – استانا قالاسىندا بەي­نەلىك تاسىمالداۋشىلاردا ۇلى وتان سوعىسى ارداگەرلەرىنىڭ بەينەسىن جارقىن كورسەتكەنى ءۇشىن. قازاقستان جۋرناليستيكاسىن دامىتۋعا سىڭىرگەن اسا كورنەكتى ەڭبەگى جانە قوسقان سۇبەلى ۇلەسى ءۇشىن ۇلى وتان سوعىسىنداعى جە­ڭىستىڭ 65 جىلدىعى قۇرمەتىنە ماي­دان­گەر جۋرناليستەردىڭ ءبىر توبى “قازاق­ستاننىڭ قۇرمەتتى ءجۋرناليسى” بەلگىسىمەن ماراپاتتالدى. تولىق ءتىزىم وڭىرلىك باس­پا­سوزدە جاريالانادى. “قازينپرەسس” رەداك­تسيالىق-باسپالىق توبى امانگەلدى احمەت­الىموۆ اتىنداعى سىيلىقپەن اقپاراتتىق قىزمەتتى ۇيىمداستىرعانى ءۇشىن “ينتەر­فاكس-قازاقستان” اقپارات اگەنتتىگىنىڭ باس ديرەكتورى ناتاليا ميناكوۆانى جانە قازتاگ باس رەداكتورىنىڭ ورىنباسارى دانيار تەمىرباەۆتى ماراپاتتادى. “قا­زاق­ستان – ZAMAN” حالىقارالىق گازەتى راحىمباي حانالى اتىنداعى سىيلىقپەن “جەتىسۋ” گازەتىنىڭ ءفوتوتىلشىسى جۇماباي مۇسابەكوۆتى ماراپاتتادى. قازاقستان جۋرناليستەر وداعىنىڭ ديپلومدارىمەن باسپاسوزگە قولداۋ كورسەتكەنى جانە جۋرناليستەرمەن ءوزارا تۇسىنىستىگى ءۇشىن مىنالاردىڭ قىزمەتتەرى اتاپ ءوتىلدى: بولات ءابىلوۆ – “جسدپ – ازات” تەڭتوراعاسى, ەرلان بايجانوۆ – “ارنا مەديا” اق پرەزيدەنتى, ايدا بالاەۆا – استانا قالاسى اكىمىنىڭ ورىنباسارى, كەنجەبولات بەكنازاروۆ – قر ۇقك توراعاسىنىڭ ءباسپاسوز حاتشىسى, نۇرلان نىعماتۋلين – “نۇر وتان” حدپ توراعاسىنىڭ ورىنباسارى, جاننا ويشىباەۆا – ماڭعىستاۋ وبلىسى اكىمىنىڭ كەڭەسشىسى, ۆاسيلي روزينوۆ – “يۆولگا – حولدينگ” كومپانياسىنىڭ باس ديرەكتورى, ولجاس سۇلەيمەنوۆ – يۋنەسكو-داعى قازاقستان وكىلدىگىنىڭ باسشىسى, مەيرامبەك تولەپبەرگەن – جامبىل وبلىسى اكىمىنىڭ ورىنباسارى.