وزگەرىستەردىڭ كوپتىگىنەن اكتسيالار نارىعىنىڭ كاپيتالدانۋى 4,5%-عا, ياعني 1,5 ترلن تەڭگەگە ازايىپ, 31,5 ترلن تەڭگەنى قۇرادى. اكتسيالارمەن ساۋدا-ساتتىق كولەمى وتكەن ايمەن سالىستىرعاندا 19,0%-عا ارتىپ, 10,8 ملرد تەڭگەگە جەتتى. جالپى العاندا, ساۋدا-ساتتىق كولەمىنىڭ ءوسۋى نەگىزىنەن «KEGOC» اق, «قازترانسويل» اق, «بايان سۇلۋ» اق اكتسيالارىمەن بايلانىستى. ال كورپوراتيۆتىك وبليگاتسيالاردىڭ ساۋدا-ساتتىق كولەمى بيىل قىركۇيەكتە 0,1%-عا ازايىپ, 14,2 ترلن تەڭگەگە جەتتى. بۇل تومەندەۋ نەگىزىنەن كورپوراتيۆتىك وبليگاتسيالاردىڭ باستاپقى نارىعىنداعى ساۋدا-ساتتىق كولەمىنىڭ تومەندەۋىنەن بولدى. سەبەبى ساۋدا-ساتتىق كولەمى قايتالاما نارىقتا 50,9%-عا تومەندەگەن.
مەملەكەتتىك باعالى قاعازدار مەن ساۋدا-ساتتىق كولەمى 0,8%-عا ءوستى. وعان مەملەكەتتىك وبليگاتسيالاردىڭ ساتىلۋى مەن ساۋدا كولەمىنىڭ ۇلعايۋى اسەر ەتتى. بيىل 1 قازانداعى جاعدايدا ينۆەستيتسيالىق پاي نارىعىنداعى باسقارۋداعى اكتيۆتەر 0,1%-عا ازايىپ, 297,7 ملرد تەڭگەگە دەيىن تومەندەدى. باعالى قاعازدار نارىعىنىڭ كاسىبي قاتىسۋشىلارىنىڭ اكتيۆتەرى 0,7%-عا, ياكي 4,9 ملرد تەڭگەگە ارتىپ, 742,1 ملرد تەڭگەگە جەتتى. بۇل وزگەرىس نەگىزىنەن بورىشتىق ينۆەستيتسيالاردىڭ ءارى زاڭدى تۇلعالارعا جاسالعان كاپيتال سالىمدارىنىڭ ارتۋىمەن بايلانىستى.
KASE يندەكسى مەن قارجى نارىقتارى بيىل ءتۇرلى فاكتوردىڭ اسەرىنەن وزگەرىستەرگە ۇشىرادى. اكتسيالار مەن وبليگاتسيالاردىڭ ساۋدا كولەمى بىرقاتار ەميتەنتپەن بايلانىستى ۇلعايسا دا, كەيبىر اكتسيالار, اسىرەسە «Kaspi.kz» اكتسيالارىنىڭ تومەندەۋى جالپى نارىق كاپيتالدانۋىنا اسەر ەتتى.
1 قازانداعى احۋالدا KASE ساۋدا تىزىمدەرىندە 85 وتاندىق ەميتەنتتىڭ 100 اتاۋىنىڭ اكتسياسى بار-تۇعىن. ونىڭ ىشىندە 2 ەميتەنتتىڭ 2 اتاۋىنىڭ اكتسيالارى «ليستينگتىك ەمەس باعالى قاعازدار» سەكتورىندا اينالىسقا جىبەرىلدى. «KASE Global» سەكتورىندا 46 ءتۇرلى اكتسيا, 55 شەتەلدىك ەميتەنتتەن 12 ETF بولدى. «KASE Global» سەكتورىنداعى ساۋدا-ساتتىق كولەمى نەگىزىنەن «Microsoft Corporation», «Apple Inc», «Advanced Micro Devices» اكتسيالارىنىڭ ساۋدا-ساتتىق كولەمىنىڭ تومەندەۋى ەسەبىنەن ءبىر ايدا 17,0%-عا, ياكي 0,5 ملرد تەڭگەگە ازايدى. سوندا جالپى سوماسى 2,4 ملرد تەڭگە بولدى.
KASE-دە مەملەكەتتىك باعالى قاعازدارمەن ساۋدا-ساتتىقتىڭ جيىنتىق كولەمى باستاپقى نارىقتاعى ساۋدا-ساتتىق كولەمىنىڭ قىسقارۋى ناتيجەسىندە ءبىر ايدا 14,8%-عا نەمەسە 440,6 ملرد تەڭگەگە ازايىپ, 2024 جىلعى قىركۇيەك ايىنىڭ قورىتىندىسىندا 0,5 ترلن تەڭگەنى قۇرادى.
مەملەكەتتىك باعالى قاعازدار باستاپقى نارىعىنداعى ساۋدا-ساتتىق كولەمى 33,1%-عا تومەندەدى. ونىڭ ىشىندە قارجى مينيسترلىگى 7 وبليگاتسيالار شىعارىلىمىن ورنالاستىرىپ, وتەۋگە تابىستىلىعى 13,16-13,43%-دى قۇرايتىن 203,1 ملرد تەڭگەنى تارتتى. 11 وبلىستىڭ جانە الماتى, شىمكەنت قالالارىنىڭ اكىمدىكتەرى مەملەكەتتىك باعدارلامالاردى ىسكە اسىرۋ شەڭبەرىندە 54,0 ملرد تەڭگە تارتتى.
