ايگىلى كوكقاسقانىڭ يەسى – قۋانىش سوۆەتوۆ. ول بالا كەزىنەن بەرى يت جۇگىرتىپ, اڭ اۋلايدى.
– شىنى كەرەك, مۇنداي جارىسقا قاتىسىپ قانا قويماي, ودان ولجالى بولۋ – ءبىز ءۇشىن زور ماقتانىش! قۋانىشىمدا شەك جوق! كىلەڭ جۇيرىك تازىلاردىڭ اراسىندا كوكقاسقام سۇلۋلىعىمەن كوزگە ءتۇستى. جۇيرىگىم ءتىل-كوزدەن امان بولسىن, – دەيدى قۋانىش سوۆەتوۆ.
«Asyl qazyna» فەدەراتسيانىڭ باس تورەشىسى ەلدوس كارىمجانوۆ حالقىمىز ءۇشىن اسا قاستەرلى اسىل تۇقىمدى يتتەرگە زور كوڭىل ءبولىنىپ جاتقانى ۇلكەن قۋانىش دەيدى.
– وسىنداي جارىستار جوعارى دەڭگەيدە ءوتىپ جاتقانى قۋانتادى. باسقا وبلىستاردا تەك ايماقتىق دەڭگەيدە جارىستار ۇيىمداستىرىلادى. وعان تەك 30-40 تازى عانا قاتىسادى. ال قاراعاندى وبلىسىندا اۋەلى اۋداندىق دەڭگەيدە ىرىكتەۋ وتكىزەدى. سوسىن بارىپ وبلىستىق دەڭگەيدە ۇزدىكتەر انىقتالادى. مۇندا تازى يتتەردىڭ سانى ءجۇز ەلۋدەن اسادى. سول سەبەپتى دە قاراعاندىلىق ساياتشىلاردىڭ ەڭبەگىن جوعارى باعالايتىنىمدى اتاپ وتكىم كەلەدى, – دەيدى باس تورەشىسى.
ەلدوس كارىمجانوۆ «Asyl qazyna» فەدەراتسياسىمەن بىرگە حالىقارالىق كينولوگيا فەدەراتسياسىنىڭ (FCI) باس كوميتەتىنە قازاقتىڭ تازى ءيتىن (Kazakh Tazy) رەسمي يت تۇقىمى ەتىپ تىركەتۋ ءۇشىن كۇش سالىپ ءجۇر.
«قاراعاندى وبلىسىنىڭ قۇماي تازى جانە توبەت يتتەر فەدەراتسياسى» قوعامدىق بىرلەستىگىنىڭ باسشىسى جانبولات ومار مۇنداي تۋرنيرلەر ارقىلى باسقا ءوڭىردىڭ ساياتشىلارىمەن تىعىز بايلانىس ورناتا الامىز دەيدى.
– ءبىز بيىل جۇلدەلى ورىنعا ىلىگە المادىق. دەگەنمەن, مول تاجىريبە الدىق. ايماعىمىزدىڭ تازىسى «ەڭ سۇلۋ تازى» دەپ مويىندالىپ جاتىر. وسىنىڭ ءوزى ءبىز ءۇشىن ۇلكەن جەتىستىك. نۇرداۋلەت مىرزاقانوۆپەن بىرگە 2018 جىلدان بەرى «Asyl qazyna» رەسپۋبليكالىق تازى فەدەراتسياسىنىڭ ءتۇرلى تۋرنيرلەرىنە قاتىسىپ كەلەمىز. ءبىز ءۇشىن ەڭ باستىسى – ەلىمىزدىڭ تاجىريبەلى يتبەگىلەرىمەن قارىم-قاتىناس ورناتۋ, – دەيدى ول.
بۇل دوداعا قارقارالىنىڭ باسار دەگەن تازىسى دا قاتىسقان ەدى. وكىنىشكە قاراي, دودانىڭ بۇل جۇلدەسى تەك بىرەۋىنە عانا بۇيىرۋ كەرەك دەگەن شارتى بار ەكەن.
2018 جىلى وتكەن «Asyl qazyna» تازى فەدەراتسياسىنىڭ رەسپۋبليكالىق العاشقى جارىسىندا قاراعاندىدان بارعان سارىقاسقا اتتى تازى ءبىرىنشى ورىندى يەلەنگەن ەدى.
قاراعاندى وبلىسى
