فوتو: ۆيدەوسكرين. تجم
حرومتاۋ اۋدانىنا قاراستى اباي اۋىلى ماڭىندا 2 ەر ادام اۋا رايىنىڭ قولايسىزدىعىنا قاراماستان مال تەكسەرۋگە كەتىپ, قاردا تۇرىپ قالعان.
دەرەۋ جەتكەن قۇتقارۋشىلار قار قۇرساۋىندا تۇرىپ قالعان جەڭىل اۆتوكولىگىن ەۆاكۋاتسيالاپ, حابار بەرۋشىلەردى قۇتقاردى. وعان قوسا, قايتار جولدا ءدال سولاي قاردا تۇرىپ قالعان جەڭىل كولىكتى بايقاپ, تاعى 2 ادامدى ەۆاكۋاتسيالاعان. تۇرعىلىقتى جەرىنە جەتكىزىلگەن ازاماتتار مەديتسينالىق كومەككە مۇقتاج بولماعان.
اۋا رايىنىڭ قولايسىزدىعىنا قاراماستان مال جايۋعا شىعىپ, بايلانىسقا شىقپاي قالعان 1959 جىلى تۋعان ەر ادامدى ىزدەستىرۋ-قۇتقارۋ جۇمىستارىنىڭ ناتيجەسىندە وبلىس ورتالىعىنىڭ قۇرشىساي تۇرعىن الابىنان 8 شاقىرىم جەردە قۇتقارۋشىلار بوران سالدارىنان باعدارىنان ايىرىلعان ادامدى تاپتى. ول مەديتسينالىق كومەكتى قاجەت ەتپەگەن.
جالپى ايتا كەتسەك, وتكەن تاۋلىكتە اقتوبە وبلىسىندا اۋا رايىنىڭ ناشارلاۋىنا بايلانىستى تجد بولىمشەلەرى 23 رەت جولعا شىعىپ, وعان 200-گە جۋىق قىزمەتكەر مەن 40-تان استام تەحنيكا تارتىلعان. ناتيجەسىندە 6 ادام قۇتقارىلعان, ونىڭ ىشىندە 2 بالا, 5 ادام, ونىڭ ىشىندە 1 بالا ەۆاكۋاتسيالاندى. 42 ادام قاۋىپسىز جەرگە جەتكىزىلدى.
