فوتو: جوعارعى سوت
2024 جىلدىڭ قازان ايىندا بۋەنوس-ايرەس ۇلتتىق ۋنيۆەرسيتەتىنىڭ پروفەسسورى, گااگاداعى (نيدەرلاندى) سوت تورەلىگى سالاسىنداعى حالىقارالىق ينستيتۋتتىڭ (IIJE) ديرەكتورى, دوكتور ل.پالما استاناعا كەلگەن بولاتىن. ەلىمىزدەگى سۋديالاردىڭ باس فورۋمىندا سويلەگەن سوزىندە ول قازاقستاننىڭ سوت رەفورمالارىنا جوعارى باعا بەرىپ, قازاقستان سوتتارىنىڭ باسقا ەلدەرگە ۇلگى بولاتىن جاڭارۋلارىنىڭ پروگرەسسيۆتى سيپاتىن اتاپ ءوتتى.
باياندامادا كەلەسى نەگىزگى ماسەلەلەرگە نازار اۋدارىلادى:
1. قازاقستاندا سوت بيلىگىن ساياسي ىقپالدان بوساتىپ, سوتتاردى قارجىلاندىرۋدىڭ بىرەگەي دەربەس جۇيەسى ەنگىزىلدى;
2. اكىمشىلىك جانە سوت فۋنكتسيالارىن اجىراتاتىن دەربەس سوت اكىمشىلىگىنىڭ مودەلى قۇرىلدى;
3. اكىمشىلىك راسىمدىك-پروتسەستىك كودەكسى (ارپك) جانە مامانداندىرىلعان سوتتار ەنگىزىلدى, بۇل حالىقارالىق ينۆەستورلاردى تارتادى;
4. IT-شەشىمدەرى سوت پروتسەستەرىن تسيفرلاندىرۋ, ولاردى اشىق ءارى قولجەتىمدى ەتۋ ءۇشىن كەڭىنەن قولدانىلادى;
5. قازاقستان سوت تورەلىگىنىڭ قولجەتىمدىلىگى مەن اشىقتىعىنا نەگىزدەلگەن «بولاشاق سوتىن» قۇرۋ ءتاسىلىن كورسەتە وتىرىپ, حالىقارالىق دەڭگەيدە ماڭىزدى ءرول اتقارادى.
IACA پرەزيدەنتى قىسقا مەرزىم ىشىندە تسيفرلاندىرۋ, وقىتۋ, باسقارۋ, ينفراقۇرىلىم جانە ىنتىماقتاستىق سالاسىنداعى وزگەرىستەردى اتاپ وتكەن.
ەسكە سالا كەتسەك, قازاقستان باسشىسى ق.توقاەۆ استاناعا ساپارى اياسىندا ل.پالمانى قابىلدادى.
ايتا كەتسەك, IACA-نىڭ نەگىزى 2004 جىلى ليۋبليانا قالاسىندا (سلوۆەنيا, كەڭسەسى - ۆيردجينيادا, اقش) قالانعان, 100-دەن استام ەلدىڭ ساراپشىلارىن بىرىكتىرەدى, سونىڭ ىشىندە اقش, قىتاي, كانادا, جاپونيا, گەرمانيا, فرانتسيا, ت.ب.
IACA-عا مۇشە بولۋ (قازاقستان 2015 جىلدان باستاپ IACA مۇشەسى بولىپ سانالادى) سوت اكىمشىلىگىن ۇيىمداستىرۋداعى وزىق تاسىلدەر بويىنشا تۇراقتى تاجىريبە الماسۋعا قاتىسۋعا مۇمكىندىك بەرەدى.
قر سوت اكىمشىلىگىنىڭ باسشىسى نايل احمەتزاكيروۆ IACA ۆيتسە-پرەزيدەنتى بولىپ تابىلادى.
IACA پرەزيدەنتى ءسوزىنىڭ تولىق ءماتىنىن وقۋ ءۇشىن سىلتەمە بويىنشا ءوتىڭىز: https://www.iaca.ws/previous-news-updates
