20 مىڭعا كوبەيەمىز

كەشە اقوردادا مەملەكەتتىك حاتشى – سىرتقى ىستەر ءمينيسترى قانات ساۋ­داباەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جا­نىن­داعى ازاماتتىق ماسەلەلەر جونىندەگى كوميسسيانىڭ كەزەكتى ءماجىلىسى ءوتتى. كوميسسيا وتىرىسىندا ەلبا­سى­نىڭ اتىنا ءبىزدىڭ ەلىمىزدىڭ ازا­ماتى بولۋعا ءوتىنىش بەرگەن 20 مىڭ ادامنىڭ قۇجاتتارى قارال­دى. ءتيىستى جارلىققا ەلباسى قول قوي­عان­نان كەيىن قازاق ەلىنىڭ ازامات­تارى اتاناتىن بۇل جان­دار­دىڭ دەنى قازاق بولعانىمەن, الىس-جا­قىن شەت ەلدەردەن كەلگەن باسقا ۇلت وكىلدەرى دە بارشىلىق كورىنەدى. ەگەر دە تاۋەلسىزدىك العان 19 جىلدىڭ ىشىندەگى ەلىمىزدىڭ دەمو­گرا­فيالىق دامۋىنا كوز سالساق, العا­شىندا قازاقستاننان باسقا ەلدەرگە قونىس اۋدارۋشىلار سانىنىڭ باسىم ەكەندىگىن بايقار ەدىك. بىرتە-بىرتە بۇل تەرىس سالدو وڭعا اۋىستى. جىل وتكەن سايىن ەلىمىزدىڭ ازامات­تىعىن الۋعا قۇلشىنىس بىلدىرگەن­دەردىڭ سانى ارتا تۇسۋدە. ەگەمەندىك العالى 600 مىڭنان استام ادام قازاق­ستان ازاماتتىعىن قابىلداعان جانە ونىڭ ەڭ كوپ بولىگى سوڭعى جىلداردىڭ ەنشىسىنە تيەدى. ءماجىلىستى اشقان قانات ساۋ­دا­باەۆ: “بۇگىنگى وتىرىستىڭ ەلىمىز­دىڭ تاريحىنداعى ايرىقشا كۇن – تاۋەل­­سىز قازاقستان ەلور­دا­سىنىڭ كۇنى قارساڭىندا ءوتۋى­نىڭ ماڭىزى ەرەكشە. استانا دا­مى­عان ورتالىق بولىپ قانا قويماي, سونىمەن بىرگە, قازىرگى زامانعى زور ۋربانيستىك جوبالار­دىڭ ءبىرى رەتىندە ەگەمەن قازاق­ستاننىڭ ۇلكەن الەۋەتىن كور­سەتۋدە. بۇگىن ءبىزدىڭ ازاماتتى­عى­مىزدى الۋعا جانە قازاقستاندىق بولۋعا ىنتا ءبىلدىرىپ وتىرعان 20 مىڭنان اسا ادامنىڭ وتىنىشتەرىن قاراستىرۋىمىز دا وسىنىڭ دالەلى بولىپ تابىلادى”, – دەدى. ق.ساۋداباەۆ سونداي-اق قازاق­ستاننىڭ ازاماتى بولۋعا ءارتۇرلى ەلدەردەن تالپىنۋشى ادامدار سانىنىڭ ءوسۋى ۇلت كوشباسشىسى دەپ تانىلعان نۇرسۇلتان نازار­باەۆ­تىڭ باسشىلىعىمەن تاۋەلسىز­دىك العان جىلداردان بەرى قازاق­ستاننىڭ الەۋمەتتىك-ەكونوميكا­لىق جانە قوعامدىق-ساياسي جەتىس­تىك­­تە­رى­نىڭ جوعارى دارەجەدە حا­لىقارالىق مويىندالۋىنىڭ دالەلى ەكەندىگىن اتاپ كورسەتتى. جانە دە مەرەكە قار­ساڭىندا ازا­مات­تىق الايىن دەپ وتىرعان جان­دار­عا باقىت, امان­دىق, جە­مىستى ءومىر جانە تابىس ءتى­لە­دى. ەن­دىگى مىندەت – جاۋاپتى مەم­­لە­كەت­تىك ورگانداردىڭ ولاردىڭ جاڭا­دان تاپقان وتاندارىندا تەزىرەك بەيىم­دەلۋىن جىلدام جانە جاۋاپ­كەر­شى­لىكپەن شەشۋى قاجەت, دەدى وتىرىستى قورتىندىلاي كەلىپ سىرتى ساياسات ۆەدومستۆوسىنىڭ باسشىسى. سونىمەن, ەل ازاماتتارى تاعى 20 مىڭعا ءوستى. كوبەيمەسەك كوسەگەمىزدىڭ كوگەرمەيتىنى انىق قوي. ەندەشە, ءوسىپ, ونە بەرەيىك. انار تولەۋحانقىزى.