بيىل باياناۋىل اۋدانىنداعى بىرلىك, قۇندىكول اۋىلدارى باعدارلاماعا ەنىپ, جەرگىلىكتى تۇرعىندار جوبانىڭ شاراپاتىن سەزىندى. اۋدان اكىمى ارداق كىسەنتاەۆتىڭ ايتۋىنشا, قۇندىكول اۋىلىندا جالپى قۇنى 422,6 ملن تەڭگەگە ءۇش جوبا ىسكە اسىرىلدى. ونداعى مادەنيەت ۇيىنە كۇردەلى جوندەۋ جۇرگىزىلىپ, جاقىندا سالتاناتتى تۇردە قايتا اشىلدى. جوبا قۇنى – 155,4 ملن تەڭگە.
«اۋىل – ەل بەسىگى» شىن مانىندە اۋىلداردى ينفراقۇرىلىمدىق تۇرعىدان تۇلەتۋدىڭ ماڭىزدى تەتىگىنە اينالىپ وتىر. قۇندىكولدەگى مادەنيەت ءۇيى تۇرعىندارعا رۋحاني ءارى دەمالىس ورنى بولماق. جەرگىلىكتى حالىقتىڭ كەلەلى ماسەلەلەرى تالقىلانىپ, جاستار مەن ەرەسەكتەر كىتاپ وقىپ تىنىعاتىن جايلى ورىن پايدا بولدى. ودان بولەك, اۋىلىشىلىك 3,5 شاقىرىم جولعا كۇردەلى جوندەۋ جۇرگىزىلدى. اسفالت توسەلگەن كوشەلەر جارىقتانىپ, اۋىلدىڭ ءسانى كىردى. 6,3 شاقىرىم كوشە جارىعى ورناتىلىپ, تۇرعىنداردىڭ قاۋىپسىزدىگى ارتا ءتۇستى. سونداي-اق, الكەي مارعۇلان اتىنداعى مەكتەپكە كۇردەلى جوندەۋ جاسالىپ, وقۋشىلاردىڭ ساپالى ءبىلىم الۋىنا جول اشتى», دەيدى ارداق انۋاربەك ۇلى.
اۋىلدى دامىتۋعا باعىتتالعان باعدارلامانىڭ جەمىسىن بىرلىك اۋىلىنىڭ حالقى دا كوردى. مۇندا جالپى قۇنى 328,4 ملن تەڭگەگە ەكى جوبا قولعا الىندى. مادەنيەت ۇيىنە كۇردەلى جوندەۋ جۇرگىزىلسە, اۋىلىشىلىك 6 شاقىرىم جول ورتاشا جوندەلدى.
پاۆلودار وبلىسى,
باياناۋىل اۋدانى
