فوتو: اشىق دەرەككوز
ءىس اتىراۋ قالاسىنىڭ №2 سوتىندا قارالعان. سوتتىڭ حابارلاۋىنشا, بلوگەرلەر قالانىڭ ساۋدا ورتالىقتارىنىڭ ءبىرىنىڭ بۋتيگىنە كىرىپ, تىكەلەي ەفيرگە شىعىپ, ساۋدا ورتالىعىنىڭ سانيتارلىق نورمالاردى ساقتاماۋى بويىنشا پوليتسيا قىزمەتكەرلەرىن شاقىرعان.
انىقتالعانداي, بۋتيك يەسىنىڭ ۇلى بلوگەرلەر ساتۋشىلارعا جۇمىس جاساۋعا كەدەرگى كەلتىرىپ جاتىر دەگەن ويعا كەلىپ, اشۋلانىپ, كۇش قولدانعان. ولاردى ساۋدا ورتالىعىنان شىعارۋعا تىرىسىپ, دەنساۋلىقتارىنا زيان كەلتىرمەستەن, ءتان اۋرۋىنا ۇشىراتقان.
پروكۋرور سوتتالۋشىنى 40 تاۋلىككە قاماققا الىپ, جابىرلەنۋشىلەردىڭ ازاماتتىق تالاپ ارىزدارىن تولىق قاناعاتتاندىرۋدى سۇراعان. ايىپتالۋشى كىناسىن مويىنداماي, ءوزىن اقتاۋدى وتىنگەن. ال, جابىرلەنۋشىلەر وعان قاتاڭ جازا تاعايىنداۋدى سۇراعان.
«قك-ءتىڭ 109-1-بابىنىڭ 2-بولىگىنىڭ 1-تارماعىندا 100-دەن 200 ايلىق ەسەپتىك كورسەتكىشكە دەيىنگى مولشەردە ايىپپۇل سالۋ نە سول مولشەردە تۇزەۋ جۇمىستارىنا, نە 100-دەن 200 ساعاتقا دەيىنگى مەرزىمگە قوعامدىق جۇمىستارعا تارتۋ, نە 30 تاۋلىكتەن 50 تاۋلىككە دەيىنگى مەرزىمگە قاماققا الۋ تۇرىندەگى جازا كوزدەلگەن. سوتتالۋشى قك-ءتىڭ 109-1-بابىنىڭ 2-بولىگىنىڭ 1-تارماعىمەن كىنالى دەپ تانىلىپ, وعان 461 500 تەڭگە (125 ايلىق ەسەپتىك كورسەتكىش) ايىپپۇل سالۋ جازاسى تاعايىندالدى. قك-ءتىڭ 98-3-بابىنىڭ نەگىزىندە ونىڭ ءجۇرىس-تۇرىسىنا 3 اي مەرزىمگە ەرەكشە تالاپتار بەلگىلەندى. ازاماتتىق تالاپ ارىزدارى ءىشىنارا قاناعاتتاندىرىلدى: سوتتالۋشىدان جابىرلەنۋشىلەردىڭ ءار قايسىسىنىڭ پايداسىنا 200 مىڭ تەڭگەدەن مورالدىق زالال وتەماقىسى ءوندىرىلدى», دەلىنگەن سوت حابارلاماسىندا.
سوت ۇكىمى زاڭدى كۇشىنە ەنگەن جوق.
