فوتو: ساۋدا جانە ينتەگراتسيا ءبولىمى
ولاردىڭ ىشىندە جەڭىل ونەركاسىپ ونىمدەرى, اۋىل شارۋاشىلىعى وندىرۋشىلەرىنىڭ تاۋارلارى بار. سونداي-اق كەلۋشىلەردىڭ نازارىنا جاڭا تەحنولوگيالىق ازىرلەمەلەر ۇسىنىلدى.
ماسەلەن, ساۋدا جانە ينتەگراتسيا ءمينيسترى ارمان شاققاليەۆ اتالعان كورمە وتاندىق ءونىم وندىرۋشىلەر قىتايلىق سەرىكتەستەرمەن ىنتىماقتاستىقتى نىعايتا الاتىن بىرەگەي الاڭ سانالاتىنىن اتاپ ءوتتى. وعان جىل سايىن 300 مىڭعا جۋىق ساتىپ الۋشى كەلەدى.
«بيىل ءبىز تاۋارلارىمىزدى «ازىق-ت ۇلىك جانە اۋىل شارۋاشىلىعى ونىمدەرى» پاۆيلونىندا عانا تانىستىرعان جوقپىز, 2 ەسەگە ۇلعايتىپ, 50-دەن استام وتاندىق كومپانيالاردى اكەلدىك. اسسورتيمەنتتىڭ قۇرامىنا ماي ونىمدەرى, سۋسىندار, بال, توقىما, ەت ونىمدەرى كىرەدى. مۇنداعى باستى جاڭالىق - ءبىز العاش رەت كوممەرتسيالىق پاۆيلوننان بىردەن ونلاين ساتۋدى قامتاماسىز ەتەمىز. ۇلتتىق پاۆيلون تسيفرلاندىرۋ تاقىرىبىنا باعىتتالعان. ءىس جۇزىندە ءبىز تسيفرلىق جىبەك جولىن كورسەتەمىز, تەحنولوگيالىق جەتىستىكتەرىمىزدى ۇسىنامىز», دەپ اتاپ ءوتتى قر ساۋدا جانە ينتەگراتسيا ءمينيسترى ارمان شاققاليەۆ.
