تەحنيكا ماماندارىنا سۇرانىس ارتتى

پاۆلودار وبلىسىندا مەملەكەتتىڭ ەكونوميكانى ىنتالاندىرۋ باعىتىن­داعى بەلسەندى شارالارىنا قاراماستان, جەكە بيزنەستىڭ جاڭا جۇمىس ورىندا­رىن قۇرۋعا قوسقان ۇلەسى شامامەن 35 پايىزدى قۇرايدى. تيىسىنشە, بۇ­گىنگى تاڭدا جۇمىس ورىندارىنىڭ ءوسىمىن ونىمدىلىگى تومەن سالالار مەن مەم­لە­كەت­تىك سەكتور قامتاماسىز ەتىپ وتىر­عان جايى بار.

وڭىرلىك جۇمىسپەن قامتۋدى ۇي­لەستىرۋ جانە الەۋمەتتىك باعدار­­لا­ما­لار باسقارماسىنان حابارلاعانداي, تۇراقتى جۇمىس ورىندارىنىڭ ەڭ كوپ سانى ءبىلىم سالاسىندا – 12,6 پا­يىز, اۋىل شارۋاشىلىعى, ورمان شارۋا­شى­­لى­عىندا – 10,4, ونەركاسىپتە – 8,3 پايىز.

«جىل سايىن باسقارما ورتا مەر­زىمدى كەزەڭگە (6 جىلعا دەيىن) ەڭبەك نارىعىنىڭ قاجەتتىلىگىن قالىپتاس­تى­رۋعا قاتىستى جۇمىس جۇرگىزەدى. ما­سە­لەن, 2024 – 2029 جىلدارعا ارنالعان تەحنيكالىق, كاسىپتىك ءبىلىمى بار بىلىكتى كادرلارعا قاجەتتىلىك وبلىستا 56 420 ما­ماندى قۇرايدى. ونىڭ ىشىندە ونەر­كاسىپ – 17,8%, كولىك جانە قويمالاۋ – 14,6%, قىزمەت كورسەتۋ – 11,3%, ەكونوميكا, بۋحگالتەرلىك ءىس – 9,7%, ءبىلىم – 9,1%, دەنساۋلىق ساقتاۋ – 6,9%, قۇرىلىس – 4,2%, اۋىل شارۋاشىلىعى – 2,3%. تۇجىرىمدامالارعا سايكەس 2024–2029 جىلدارى وبلىستا 143,9 مىڭ جۇمىس ورنىن قۇرۋ جوسپارلانعان, ونىڭ 70 پايىزى تۇراقتى جۇمىس ورىندارى بولادى. جىل باسىنان 23,3 مىڭ جاڭا جۇمىس ورنى قۇرىلدى, ونىڭ 16,4 مىڭى – تۇراقتى. بۇل وتكەن جىلدىڭ سايكەس كەزەڭىمەن سالىستىرعاندا ءبىر­شاما از», دەيدى وڭىرلىك جۇمىسپەن قامتۋ­دى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى الميرا ديسيۋپوۆا.

ايماقتا جۇمىس كۇشىنىڭ سانى ازاي­­عانى دا بايقالادى. كەيىنگى بەس جىل­دا ول 1,3%-عا تومەندەگەن. جالپى, ەڭ­­­بەك نارىعىنداعى جاعداي تۇراق­تى, جۇ­­مىس­­­سىز­دىق دەڭگەيى 4,8%-دى قۇ­رايدى.

بيىل كاسىپكەرلىكتى قولداۋ ماقسا­تىن­دا حالىقتىڭ الەۋمەتتىك وسال توپ­تارىنا 644,6 ملن تەڭگە سوماسى­نا 442 گرانت بەرىلگەن. گرانتتار حا­لىق­تىڭ الەۋمەتتىك وسال ساناتتارىنا, باستاپقى بيزنەستى ىسكە اسىرۋدى جوسپارلاپ وتىرعان قاتىسۋشىلارعا وتەۋسىز, قاي­تا­رىمسىز نەگىزدە تاراتىلدى. اتاپ ايتقاندا, اتاۋلى الەۋمەتتىك كومەك الۋشىلار, كوپ­با­لالى وتباسىلار, اسىراۋشىسىنان ايىرىلۋ جاعدايى بويىنشا الەۋ­مەت­تىك تولەم الۋشىلار, مۇگەدەك با­لانى تاربيەلەپ وتىرعاندار, ەڭ­بەك­كە قارسى كورسەتىلىمدەرى جوق مۇگە­دەكتىگى بار ادامدار يە بولدى.

ماسەلەن, كوپبالالى انانىڭ ءبىرى تەرەڭكول اۋىلىندا «مونتەسسوري» ءادىسىن قولدانا وتىرىپ, لوگوپەديالىق كابينەت اشۋعا تەحنولوگيالىق جابدىق­تار ساتىپ الدى. بۇگىندە وعان 13 بالا كەلىپ ءجۇر. سونداي-اق كەمەڭگەر اۋىلىندا «دۋەت» سۇلۋلىق سالونى اشىلدى. سالوندا قاس, تىرناق ءستيليسى, ماكياج­­­­­ ­­­سۋرەتشىسى جۇمىس ىستەيدى.

اتاپ وتەرلىگى, ەرىكتى تۇردە قونىس اۋدارۋ باعدارلاماسى شەڭبەرىندە بيىل پاۆلودار وبلىسىنا قانداستار مەن ىشكى قونىس اۋدارۋشىلاردى قابىلداۋعا 3505 ادامعا كۆوتا بەكىتىلگەن. ونىڭ ىشىندە قانداستار – 1252 ادام, جۇمىس كۇشى ارتىق وڭىرلەردەن – 2253 ادام. وڭىرلىك كۆوتاعا قازىردىڭ وزىندە 2648 ادام (591) وتباسى قوسىلدى. كوشىپ كەلگەندەردىڭ ىشىندە 1270 ادام جۇمىسقا قابىلەتتى جاستا. ولاردىڭ 800-گە جۋىعى ەڭبەك ورىندارىنا ورنالاسقان. تاعى 54 ادام جەكە كاسىپپەن اينالىسسا, 3 ادام قايتارىمسىز گرانتقا يە بولعان.

«كەلگەن ازاماتتاردىڭ ىشىندە جالپى پراكتيكا دارىگەرلەرى, ەپيدەميولوگ, حيرۋرگ ماماندارى بار. اۋىلدىق جەرلەردە قونىس اۋدارۋشىلاردىڭ كوپ­شىلىگى جەرگىلىكتى شارۋا قوجالىق­­تا­رىنا مەحانيزاتور, تراكتورشى, جۇر­گىزۋشى, ءتۇرلى اپپاراتتاردىڭ وپە­راتورى, ت.ب. ماماندىقتارعا جۇ­مىس­­قا ورنالاستىرىلدى. ىشكى قونىس ا­ۋدارۋ­­شىلاردىڭ باسىم بولىگى تۇر­­­كىستان, جەتىسۋ, الماتى وبلىس­­تا­­رىنان كەلىپ جاتىر. بۇعان قوسا 943 ادامعا قانداس مارتەبەسى بەرىلدى. كوشىپ كەلگەن­دەر­دىڭ كوبى – ءبىلىم, مەديتسينا, اۋىل شارۋاشىلىعى, قىزمەت كورسەتۋ سالاسىن­داعى ماماندار», دەيدى ا.ديسيۋپوۆا.

جاۋاپتى مەكەمەلەر كەيىنگى ەكى جىلدا ايماعىمىزعا قونىس اۋدارعانداردىڭ الەۋ­مەتتىك كەلىسىمشارت تالاپتارىن ساق­­­تاۋىنا قاتىستى مونيتورينگ جۇر­­­­­­­گىزگەن. ونىڭ اياسىندا اققۋلى, جە­لە­زين, اقتوعاي, ەرتىس, شارباقتى اۋدان­­دارىندا 298 ادامنىڭ قونىستانۋ وڭى­رى­نەن ءوز بەتىنشە شىعىپ كەتكەنى انىق­تال­عان. سونداي-اق 157 ادامعا تولەنگەن قاراجاتتى قايتارۋ تۋرالى حابارلامالار جىبەرىلگەن.

ەرىكتى تۇردە قونىس اۋدارۋ باع­دار­لاما­سىنداعى ەكونوميكالىق ۇت­قىرلىق سەرتيفيكاتىن بەرۋگە وزگە­رىس­­تەر مەن تولىق­تىرۋلار ەنگىزىلىپ جاتىر. سەرتيفيكات الۋعا ءوتىنىش كە­لىپ تۇسكەننەن كەيىن جەرگىلىكتى مانساپ ورتالىعىنىڭ ماماندارى ساتىپ الى­ناتىن باسپانا قۇجاتتارى مەن مالىمەتتەردى مۇقيات, تولىق تەكسەرۋ ماق­ساتىندا نىساننىڭ ورنالاسقان جەرىنە باراتىن بولادى.

پاۆلودار وبلىسى