اجار «پۋتا» نىساناسىنىڭ فينالدىق كەزەڭىندە قىرعىزستان مەن رەسەيدىڭ قۇرالايدى كوزگە اتقان سپورتشىلارىنان وزىپ شىقتى. اجاردىڭ اتقان جەبەلەرى وندىققا ءدوپ ءتيىپ جاتتى.
ءدۇبىرلى دوداعا قازاقستان ۇلتتىق قۇراما كومانداسىنىڭ مۇشەلەرى, ەلىمىزدىڭ 20 وڭىرىنەن, 12 مەملەكەتتەن (تايلاند, وزبەكستان, قىرعىزستان, رەسەي, فرانتسيا, ازەربايجان, يران, موڭعوليا, تاجىكستان, تۇركيا, اقش, ءۇندىستان) كەلگەن 108 سپورتشى قاتىستى.
اجاردىڭ جەڭىسىنە قۋانعان جەرلەستەرى جەڭىمپازدى اۋەجايدان كۇتىپ الىپ, قۇرمەت كورسەتتى. شاشۋ شاشىلدى, اقىندار ارناۋ ايتتى. التىن القا تاققان سۇرمەرگەن كورسەتىلگەن قۇرمەتكە ريزاشىلىعىن ءبىلدىردى.
– جارىس تارتىستى ءوتتى. جارتىلاي فينالدا قارسىلاسپەن ەكى رەت تەڭ ءتۇسىپ, ۇشىنشىسىندە ءبىر-ءبىر جەبەدەن جىبەردىك. باق شاپتى ما, باپ شاپتى ما, فينالعا جولداما الىپ, جەڭىس تۇعىرىنا كوتەرىلدىم. قولداعان بارلىق تۋعان-تۋىستارىما, جولداستارىما, جەرلەستەرىمە العىس ايتامىن, – دەدى مەرگەن قىز.
كەشەگى كۇنى بابالارىمىز جاۋعا اتقان جەبەنى بۇگىن سانگە اتىپ, ۇلتتىق سپورتتى دامىتىپ جۇرگەن ازاماتتار از ەمەس. الايدا وسىناۋ بەكزات ونەردى شىعىسقا الىپ كەلگەن اجار دەسەك, ارتىق ايتپاعانىمىز. ول ەڭ العاش مەرگەندەر مەكتەبىن اشىپ, وقۋشىلاردى جاتتىقتىردى. كەيىننەن ەرەسەكتەر ساداق تارتا باستادى. بۇگىندە بۇل سپورت ءتۇرى شىعىستا جاقسى دامىپ كەلە جاتىر.
شىعىس قازاقستان وبلىسى
