فوتو: yandex.kz
Alaqan بيومەتريالىق سەرۆيسى – بۇل قاۋىپسىز ءارى ىڭعايلى تولەمدەر, ونى باقىلاۋ جانە دەرەكتەردى ەسەپكە الۋ ءۇشىن الاقان تامىرلارىنىڭ سۋرەتى بويىنشا جەكە تۇلعانى سايكەستەندىرۋ سالاسىندا پايدالاناتىن يننوۆاتسيالىق بيومەتريالىق جۇيە. تەحنولوگيا كارتالاردى, قولما-قول اقشانى نەمەسە ءموبيلدى قۇرىلعىلاردى پايدالانباي-اق تولەم جاساۋعا جانە اۆتوريزاتسيالاۋعا مۇمكىندىك بەرەدى.
«بۇل جۇيە ادامعا ارەكەت ەركىندىگىن بەرەدى. Alaqan قازىردىڭ وزىندە مەكتەپتەردە قولدانىلىپ جاتىر جانە Alaqan Mektep ەكوجۇيەسى رەتىندە بەلگىلى. ونىڭ ارقاسىندا بالا الاقانىنىڭ كومەگىمەن مەكتەپكە كىرەدى, تاماق ساتىپ الادى, كىتاپحانادان كىتاپ الادى, شكافىن اشادى جانە مۇنىڭ ءبارىن اتا-انالار باقىلاي الادى. بۇگىنگى تاڭدا Alaqan Mektep جۇيەسى بىرنەشە ءوڭىردىڭ وقۋ ورىندارىنا ەنگىزىلدى, قازىردىڭ وزىندە 300-گە جۋىق مەكتەپ قوسىلدى. بۇل جوبامىزدى اراب ەلدەرىندە دە ۇسىندىق, وندا ءبىزدىڭ ازىرلەمەمىز تولەم جۇيەسى رەتىندە قولدانىلادى. ەرتەڭ ءبىز سينگاپۋرعا ۇشقالى وتىرمىز, ياعني, وڭتۇستىك-شىعىس ازيا نارىعىن يگەرەمىز», دەدى Alaqan كومپانياسىنىڭ نەگىزىن قالاۋشى بەرىك نۇرىمبەتوۆ.
