فوتو: استانا اكىمدىگى
ءىس-شارانىڭ اشىلۋ سالتاناتىندا ستۋدەنتتەر ءوز وقۋ ورنىن تانىستىردى.
ۇيىمداستىرۋشىلاردىڭ ايتۋىنشا, وسى جىلعى فەستيۆالدىڭ ەرەكشەلىگى – سپورتتىق نوميناتسيالاردىڭ قوسىلۋى.
ايتا كەتەيىك, فەستيۆال 5-14 قاراشا ارالىعىندا وتەدى. ءار كۇن بەلگىلى ءبىر نوميناتسياعا ارنالعان: فۋتبول, ۆولەيبول, ۇستەل تەننيسى, شاحمات, ەسترادا, ۇلتتىق بي, زاماناۋي بي, ۇلتتىق اسپاپتار (دومبىرا), تەاتر, موبيلوگرافيا. ال 14 قاراشادا گالا-كونتسەرت وتەدى دەپ جوسپارلانعان.
ءار نوميناتسيا بويىنشا جۇلدەلى ورىنعا يە بولعان قاتىسۋشىلارعا قارجىلاي سىيلىقتار قاراستىرىلعان: 1-ورىنعا 100 مىڭ تەڭگە; 2-ورىنعا 70 مىڭ تەڭگە; 3-ورىنعا 50 مىڭ تەڭگە. ال 10 نوميناتسيا بويىنشا ەڭ ۇزدىك اتانعان جوعارى وقۋ ورنىنا باس جۇلدە – 500 000 تەڭگە بەرىلەدى.
«JASTAR JALYNY» فەستيۆالى جاستاردىڭ شىعارماشىلىق الەۋەتىن اشۋ, دارىندى جاستاردى انىقتاۋ, دارىندى بالالار مەن ۇجىمداردىڭ شىعارماشىلىق دامۋىنا قولداۋ كورسەتۋ جانە جاعداي جاساۋ, رۋحاني ءارى مادەني الەۋەتىن دامىتۋ, ستۋدەنتتەرگە ەستەتيكالىق جانە ەتيكالىق تاربيە بەرۋ جۇيەسىن جەتىلدىرۋ, ازاماتتىق, الەۋمەتتىك جاۋاپكەرشىلىك, پاتريوتتىق سەزىم, ادامگەرشىلىك قۇندىلىقتار مەن كوشباسشىلىق قاسيەتتەردى ارتتىرۋ ماقساتىندا وتكىزىلىپ كەلەدى, - دەدى جاستار ساياساتى ماسەلەلەرى باسقارماسىنىڭ ءباسپاسوز حاتشىسى انەل مانسۇروۆا.
