سۋرەت: ortcom.kz
ونى ىسكە اسىرۋعا ءبىلىم سالاسىن تۇراقتى دامىتۋ قورىمەن قاتار ءوڭىردىڭ ءىرى كومپانيالارى قاتارىنان دەمەۋشىلەر قاتىسادى. نازارباەۆ زياتكەرلىك مەكتەپتەرى مەن ء«بىلىم-يننوۆاتسيا» ليتسەي-ينتەرناتتارى جوباعا قاتىسۋ ءۇشىن ىرىكتەلگەن 50 مەكتەپتىڭ وزىق تاجىريبەسىن جانە ادىستەمەسىن بولىسەدى.
NCOC, «قازمۇنايگاز» اق جانە «حالىق» جەكە قايىرىمدىلىق قورى مەكتەپتەردى جاراقتاندىرۋعا قولداۋ كورسەتتى. دەمەۋشىلەر قاتارىندا 60 وقۋ سىنىبىن جاراقتاندىرۋعا قاتىسقان «Ordabasy Group» كومپانياسى بار.
«وتپان» سىندى جوبالاردى قولداۋ ارقىلى ءبىز ەرتەڭگى كۇننىڭ مىندەتتەرىن شەشۋگە قابىلەتتى بىلىكتى مامانداردى تاربيەلەۋ ءۇشىن قولايلى جاعداي جاسايمىز. ءبىلىم مەكەمەلەرىن جاڭعىرتۋ جانە پەداگوگتەر بىلىكتىلىگىن ارتتىرۋ بالالارىمىزدىڭ ەڭ جاقسى ءبىلىم رەسۋرستارىنا قول جەتكىزۋىنە جول اشادى. وسى باستامانىڭ ءبىر بولىگى بولىپ, ەلىمىزدىڭ زياتكەرلىك كاپيتالىن دامىتۋعا ۇلەس قوسۋعا قۋانىشتىمىز», دەيدى «Ordabasy Group» كومپانياسى باسقارما توراعاسىنىڭ كەڭەسشىسى جارمۇحامەد اپپاز.
سونىمەن قاتار تامارا دۇيسەنوۆا اقتاۋداعى «وتپان» جوباسىنا ەنگىزىلگەن ەكى مەكتەپتىڭ قىزمەتىمەن تانىستى. ونىڭ شەڭبەرىندە №15 جانە №29 مەكتەپتەردە ماتەريالدىق-تەحنيكالىق بازا كۇشەيتىلدى. مۇعالىمدەر ءۇشىن ولاردا ءارتۇرلى تاقىرىپتىق كۋرس پەن سەمينارلار ۇيىمداستىرىلادى.
«وبلىس اكىمدىگى مەكتەپتەردىڭ جوندەۋىنە جاۋاپتى بولدى. ال دەمەۋشىلەر پاندىك كابينەتتەردى جابدىقتادى. «وتپان» جوباسى ۇستازدار مەن وقۋشىلارعا ساپالى ءبىلىم ءىسىن ۇيىمداستىرۋدا جاقسى مۇمكىندىك تۋعىزىپ جاتىر. بۇل ءبىلىم وشاقتارى كەيىن وزگە دە ورتا ءبىلىم مەكتەپتەرى ءۇشىن تىرەك مەكەمەلەرى بولماق», دەپ اتاپ ءوتتى تامارا دۇيسەنوۆا.
وقۋشىلاردىڭ اتا-انالارى دا كابينەتتەردى جابدىقتاۋعا قاراجات بولگەن دەمەۋشىلەرگە العىس ءبىلدىردى. ساپار اياسىندا ءوڭىر مەكتەپتەرى باسشىلارىنىڭ قاتىسۋىمەن كەڭەس ۇيىمداستىرىلدى. وعان ءوڭىر باسشىسى نۇرداۋلەت قيلىباي قاتىستى. كەزدەسۋ بارىسىندا وڭىردەگى ورتا ءبىلىمدى دامىتۋ ماسەلەلەرى تالقىلاندى. جۇمىس ساپارى كەزىندە تامارا دۇيسەنوۆا وبلىس ورتالىعىنداعى «بالبۇلاق» بالاباقشاسى جۇمىسىمەن تانىستى. 300-دەن استام بالا وقيتىن مەكەمەدە مونتەسسوري, لوگوپەد, پسيحولوگ كابينەتتەرى بار. بالاباقشادا مەكتەپكە دەيىنگى ءبىلىم ماسەلەلەرى بويىنشا كەڭەس ءوتتى.
وڭىردە باستاۋىش مەكتەپ پەن بالاباقشا باعدارلامالارىن سينحرونداۋ جۇمىستارى جالعاسىپ جاتىر. مەكتەپكە دەيىنگى ءبىلىم مەكەمەلەرىمەن قامتىلماعان بالالاردىڭ اتا-انالارى ءۇشىن كونسۋلتاتسيالىق ورتالىقتار جۇمىس ىستەيدى. بۇل جۇمىس ماڭعىستاۋ وبلىسىنىڭ 169 بالاباقشاسىندا قولعا الىنعان.
مەكتەپكە دەيىنگى ءبىلىم مەكەمەلەرىن تسيفرلاندىرۋ دا باستى نازاردا. كەزدەسۋ بارىسىندا تاراز قالاسىندا قاناتقاقتى رەجىمدە ىسكە اسىرىلاتىن قارجىلاندىرۋدىڭ ۆاۋچەرلىك ءادىسىن ەنگىزۋ ناتيجەلەرى تانىستىرىلدى. اتالعان جۇيە تالاپتارعا ساي كەلەتىن بارلىق بالاباقشانى بيۋدجەتتىك قارجىلاندىرۋعا مۇمكىندىك بەردى. اتا-انالار مەكتەپكە دەيىنگى ءبىلىمدى ۇيىمداستىرۋدى تاڭداۋعا مۇمكىندىك الدى, اشىقتىق ەسەبىنەن بيۋدجەت قاراجاتىن ۇنەمدەۋ ءجۇرىپ جاتىر.
«جۇيە ءوزىنىڭ تيىمدىلىگىن كورسەتىپ وتىر. ۆاۋچەرلىك قارجىلاندىرۋ ءادىسى شىمكەنت جانە تۇركىستان قالالارىندا ەنگىزىلىپ جاتىر. اتا-انالار مەن بالالاردىڭ مۇددەسىنە ساي كەلەتىن جۇيە بارلىق وڭىردە ەنگىزىلۋگە ءتيىس», دەدى تامارا دۇيسەنوۆا.
مەملەكەت باسشىسى كەلەر جىلدى جۇمىسشى ماماندىقتارى جىلى دەپ جاريالادى. وسى ورايدا ەلدەگى تەحنيكالىق جانە كاسىپتىك ءبىلىم سالاسىن ترانسفورماتسيالاۋ مىندەتى تۇر. قازىر كوللەدجدەردى بەيىندەۋ جۇمىسى جۇرگىزىلىپ جاتىر. نەگىزگى ماقسات – كاسىپتىك ءبىلىم نىساندارىن ەڭ الدىمەن وڭىرلەر سۇرانىسىنا قاجەتتى كادرلاردى دايارلاۋ ورنىنا اينالدىرۋ.
جۇمىس ساپارى اياسىندا ۆيتسە-پرەمەر ماڭعىستاۋ تۋريزم كوللەدجىنە دە باردى. وندا دۋالدى وقىتۋ جوباسىن پايدالانا وتىرىپ, قىزمەت كورسەتۋ سالاسىنا ماماندار دايارلانادى. كوللەدج تۇلەكتەرگە جۇمىسقا ورنالاسۋ ءۇشىن جاعداي جاساپ, ءىرى كاسىپورىندارمەن, جەرگىلىكتى جانە شەتەلدىك قوناقۇيلەرمەن بەلسەندى جۇمىس ىستەيدى. كوللەدج بازاسىندا وقۋ ورىندارى باسشىلارىنىڭ قاتىسۋىمەن تەحنيكالىق جانە كاسىپتىك ءبىلىم سالاسىنا قاتىستى ماسەلەلەر تالقىلاندى. قازىر كادرلاردى دايارلاۋدى 26 وقۋ ورنى جۇرگىزەدى. تۇلەكتەردىڭ جۇمىسپەن قامتىلۋ كورسەتكىشى 72 پايىزعا جۋىقتايدى. وبلىستاعى تىرەك كوللەدجدەرى ايقاندالىپ, ءوزارا تاجىريبە الماسۋ ءىسى قولعا الىنعان.
«تەحنيكالىق جانە كاسىپتىك ءبىلىم باعىتىندا بىرقاتار شارا قولعا الىندى. كوللەدجدەردىڭ جۇمىس ساپاسىنا قاتىستى باعالاۋ جۇرگىزىلىپ, ولاردى ليگالارعا جىكتەۋ قاراستىرىلعان. وقۋ ۇدەرىسىنە حالىقارالىق ستاندارتتاردى ەنگىزۋ قاجەت. بۇل دايارلاناتىن مامانداردىڭ باسەكەگە قابىلەتتىلىگىن ارتتىرۋ ءۇشىن كەرەك. حالىقارالىق سالالىق ستاندارتتاردى ەنگىزگەن, تۇلەكتەردىڭ باسىم بولىگى سەرتيفيكاتتالعان جانە ورتاشا ەسەپپەن جوعارى مولشەردە ەڭبەكاقى الاتىن كوللەدجدەرگە ىنتالاندىرۋشى تولەمدەر قاراستىرىلادى», دەدى تامارا دۇيسەنوۆا.
ۇكىمەت باسشىسىنىڭ ورىنباسارى 420 وقۋشى ءبىلىم الاتىن اقتاۋ حالىقارالىق مەكتەبىنە دە باس سۇقتى. وقىتۋشىلاردىڭ 80 پايىزى – ەلىمىزدىڭ ءار ايماعىنان كەلگەن جوعارى بىلىكتى پەداگوگتەر. وبلىستا «جايلى مەكتەپ» ۇلتتىق جوباسى اياسىندا 12 600 ورىندىق 13 ورتا وقۋ ورنىن سالۋ جوسپارلانعان. جەلتوقسان ايىندا ارقايسىسى 1 200 ورىننان تۇراتىن 3 نىسان پايدالانۋعا بەرىلەدى. قازىر عيماراتتاردا ارلەۋ جۇمىستارى جۇرگىزىلىپ جاتىر.
