فوتو: energyprom.kz
سولتۇستىك قازاقستان وبلىسىنىڭ ساۋدا جانە تۇتىنۋشىلاردىڭ قۇقىقتارىن قورعاۋ باسقارماسىنىڭ باسشىسى قانات جەڭىسبەك ۇلىنىڭ ايتۋىنشا, تاۋارلاردىڭ, جۇمىستاردىڭ جانە قىزمەتتەردىڭ ساپاسى مەن قاۋىپسىزدىگىنە قاتىستى ازاماتتاردان ارىز-شاعىمدار سانى ارتىپ كەلەدى. جىل باسىنان بەرى باسقارماعا شارا قولدانۋ تۋرالى 400-گە جۋىق ءوتىنىش تۇسكەن.
«شاعىمداردىڭ جارتىسىنا جۋىعى ەلەكتروندى كوممەرتسياعا قاتىستى. ەكىنشى ورىندا - 28 پايىزى بولشەك ساۋدادان, 6 پايىزى تۇرعىن ءۇي-كوممۋنالدىق شارۋاشىلىقتان, 3,3 پايىزى تۇرمىستىق قىزمەت كورسەتۋدەن كەلەدى. دەپارتامەنت تۇتىنۋشىلاردىڭ قۇقىقتارىن قورعاپ, ولارعا 5,3 ملن تەڭگەگە جۋىق سوماعا اقشانى قايتارۋعا جاردەمدەستى, ونىڭ 2,1 ملن تەڭگەسى – بولشەك ساۋدادا, 1,8 ملن تەڭگەسى – ەلەكتروندى ساۋدادا, قالعان 1,3 ملن تەڭگەسى – تۇرمىستىق قىزمەت كورسەتۋدە», دەدى قانات جەڭىسبەك ۇلى.
جوسپاردان تىس تەكسەرۋ ناتيجەلەرى بويىنشا قر تۇتىنۋشىلاردىڭ قۇقىقتارىن قورعاۋ تۋرالى زاڭناماسىن بۇزعانى ءۇشىن 13 كاسىپكەرلىك سۋبەكتىسىنە اكىمشىلىك جازا قولدانۋ تۋرالى قاۋلى شىعارىلعان, سونداي-اق انىقتالعان زاڭ بۇزۋشىلىقتاردى جويۋ تۋرالى نۇسقاما بەرىلگەندىگى حابارلاندى.
«ساۋدا قىزمەتىن رەتتەۋ سالاسىنداعى زاڭنامانى بۇزعانى ءۇشىن 125 كاسىپكەرلىك سۋبەكتىسى اكىمشىلىك جاۋاپكەرشىلىككە تارتىلدى. ونىڭ ىشىندە الەۋمەتتىك ماڭىزى بار ازىق-ت ۇلىك تاۋارلارى بويىنشا ساۋدا ۇستەمەاقىسىنىڭ مولشەرى مەن ۆيترينا مەن كاسسالىق چەكتە كورسەتىلگەن ءونىم باعاسىنىڭ ايىرماشىلىعىن اسىرعانى ءۇشىن 124 كاسىپكەرلىك سۋبەكتىسى اكىمشىلىك جاۋاپكەرشىلىككە تارتىلدى. ونىڭ ىشىندە 12 سۋبەكت مەملەكەتكە جالپى سوماسى 895 310 تەڭگەنى قۇرايتىن اكىمشىلىك ايىپپۇل تولەسە, قالعاندارىنا ەسكەرتۋ تۇرىندەگى اكىمشىلىك ايىپپۇل سالىندى», دەدى باسقارما باسشىسى.
