فوتو: اشىق دەرەككوز
قۇلكەەۆتىڭ ۇستالۋىنا قر ىشكى ىستەر مينيسترلىگىنىڭ ءباسپاسوز قىزمەتى رەسمي تۇسىنىكتەمە بەردى.
ء«ىىم وقد جەدەل-ىزدەستىرۋ ءىس-شارالارىنىڭ ناتيجەسىندە ىزدەۋدە جۇرگەن ازامات ق. ۇستالىپ, ۋاقىتشا ۇستاۋ يزولياتورىنا قامالدى. ول 2023 جىلى تەرىس سەبەپتەرمەن ءىىو-دان قاراعاندى وبلىسى پد تەرگەۋ باسقارماسىنىڭ باستىعى قىزمەتىنەن بوساتىلعان. ىشكى ىستەر مينيسترلىگى ءوز قۇرامىنداعى كەز كەلگەن قۇقىق بۇزۋشىلىققا توزبەۋشىلىك تۋرالى ءوزىنىڭ ءپرينتسيپتى ۇستانىمىن بىلدىرەدى جانە ولاردى جويۋ بويىنشا جۇمىستى جالعاستىرادى», دەلىنگەن حابارلامادا.
قۇلكەەۆ قىلمىستىق ءىس اياسىندا تاركىلەنگەن تاۋ-كەن تەحنيكاسىن ۇرلادى دەگەن كۇدىككە ىلىنگەن. وعان قاتىستى قىلمىستىق كودەكستىڭ 18-بابى «ۇرلىق» جانە 361-بابى «لاۋازىمىن اسىرا پايدالانۋ» بويىنشا ءىس قوزعالعان.
قۇلكەەۆتى ىزدەۋ تۋرالى حابارلاما باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى سايتىندا جاريالانعان. ول 2023 جىلدىڭ 1 جەلتوقسانىنان بەرى ىزدەۋدە بولعان.
