Polisia.kz مالىمەتىنشە, پاترۋلدىك پوليتسيا ينسپەكتورلارى سامارا-شىمكەنت تاس جولىنىڭ ارال اۋدانى اۋماعىنىڭ تۇسىندا قىزمەت اتقارۋ بارىسىندا جول قوزعالىسى ەرەجەسىن بۇزعان جەڭىل اۆتوكولىكتى توقتاتقان.
- تەكسەرۋ بارىسىندا كولىك جۇك سالعىشىنان جولاۋشىعا تيەسىلى بىرنەشە بولىككە ءبولىنىپ, سالىنعان ەرەكشە ءيىسى بار ءشوپ ۇنتاقتارى انىقتالدى. ساراپتاما قورتىندىسىنا سايكەس, انىقتالعان زاتتىڭ سالماعى 1,8 كەلى كەپتىرىلگەن ماريحۋانا ەكەنى بەلگىلى بولدى. بۇل اسا ءىرى مولشەرگە جاتادى, – دەلىنگەن اقپاراتتا.
اتالعان دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى ءجۇرىپ جاتىر. 57 جاستاعى تۇرعىن سوت سانكتسياسىمەن ۋاقىتشا ۇستاۋ يزولياتورىنا 2 اي مەرزىمگە وقشاۋلاندىرىلدى.
