Massaget.kz ءتىلشىسى جازعانداي, قازاقستاندىق ءىرى بانكتەردىڭ ءبىرىنىڭ كرەديتتىك كالكۋلياتورىندا نەسيەگە 12 ايعا 1 ميلليون تەڭگەنى الاتىن بولساق, ەكى تولەم مولشەرى كورسەتىلەدى. ەگەر:
- اننۋيتەتتىك وتەۋدى تاڭدايتىن بولساڭىز, اي سايىنعى تولەم 92 635 تەڭگە;
- تەڭ ۇلەستەرمەن وتەۋدى تاڭدايتىن بولساڭىز, اي سايىنعى تولەم 100 مىڭ تەڭگە.
ەكەۋىنىڭ ايىرماشىلىعى ايتارلىقتاي سەزىلەدى, سوندىقتان كليەنتتەر ادەتتە اننۋيتەتتى تاڭدايدى.
اننۋيتەت - نەسيەنى تەڭ تولەمدەرمەن وتەۋ ءتاسىلى, ياعني ءسىز اي سايىن بانككە ءبىر سومانى تولەيسىز, بىراق ول سومانىڭ ىشىندە نەگىزگى قارىز بەن قارىزدىڭ قالدىعىنا ەسەپتەلگەن پايىز بار. ناتيجەسىندە, نەسيە وتەۋ كەزىندە العاشقى ايلارداعى تولەم پايىزدى جابادى. ۋاقىت وتە كەلە تولەمدەگى نەگىزگى قارىزدىڭ ۇلەسى ارتادى, ال پايىز ۇلەسى تومەندەيدى. سونىمەن باستاپقى ۋاقىتتا اي سايىنعى تولەمنىڭ كوپ ۇلەسىن پايىز الادى, سودان كەيىن نەگىزگى قارىز ەسەپتەلەدى.
ال تەڭ ۇلەستەرمەن تولەم مۇلدەم باسقاشا جۇمىس ىستەيدى. مۇندا اي سايىنعى تولەم مولشەرىندە نەگىزگى قارىزدىڭ الاتىن ۇلەسى ساقتالادى. سوندىقتان پايىزعا بايلانىستى نەسيەنىڭ العاشقى ايلارىنداعى تولەم سوماسى جوعارى بولادى. ياعني اي سايىنعى تولەم بىرتىندەپ ازايادى, ويتكەنى بۇل جاعدايدا ءسىز نەگىزگى قارىزدى تەڭ ۇلەسپەن وتەيسىز جانە نەگىزگى قارىزدىڭ قالدىعىنا ەسەپتەلگەن پايىزدى تولەيسىز. وسىلايشا ءسىز اي سايىن بانككە نەگىزگى قارىزدىڭ بىردەي سوماسىن, سونداي-اق پايىزداردىڭ بەلگىلى ءبىر سوماسىن اۋداراسىز, سوندا پايىز سوماسى اي سايىن ازايادى.
ەڭ قىزىعى تەڭ ۇلەستەرمەن الىنعان نەسيەنىڭ ارتىق تولەمى اننۋيتەتكە قاراعاندا تومەن.
ال بانكتەر نەسيەلەك كالكۋلياتوردا العاشقى اي سايىنعى تولەمدى ەشقانداي تۇسىنىكتەمەسىز كوبەيتىپ قويادى, سالدارىنان ادامدار تولەم مولشەرىنەن قورقىپ, تەڭ ۇلەستەرمەن تولەۋ ءتيىمسىز, ال اننۋيتەت ءتيىمدى دەپ ويلايدى.
بىراق ايتا كەتەيىك, نەسيەنى وتەۋ سحەمالارىنىڭ ارقايسىسىنىڭ وزىندىك ارتىقشىلىقتارى مەن كەمشىلىكتەرى بار. سوندىقتان كليەنتتىڭ ءوزى جەكە قاجەتتىلىكتەرىن ەسكەرىپ, سالىستىرىپ, نەسيەنى وتەۋدىڭ ءتيىمدى ءتاسىلىن تاڭداۋى كەرەك.
اننۋيتەتتىڭ ەرەكشەلىكتەرى:
اي سايىنعى تولەم بىردەي بولادى, بۇل بيۋدجەتتى جوسپارلاۋ تۇرعىسىنان ىڭعايلى;
نەسيەلەۋ مەرزىمىنىڭ باسىندا اي سايىنعى تولەم تەڭ ۇلەستىك نەسيەگە قاراعاندا از بولادى, ەگەر نەسيە سوماسى ۇلكەن بولسا جانە تولەمدى قالتاڭىز كوتەرمەسە, بۇل ماڭىزدى;
اننۋيتەت بويىنشا الىنعان نەسيەدە ارتىق تولەم كوبىرەك بولادى.
تەڭ ۇلەستەرمەن تولەۋدىڭ ەرەكشەلىكتەرى:
العاشقى ايلاردا اي سايىنعى تولەم جوعارى بولادى, بىراق ول بىرتىندەپ ازايادى. ءسويتىپ ۋاقىت وتە كەلە نەسيە جۇكتەمەسى ايتارلىقتاي تومەندەيدى;
ارتىق تولەمنىڭ جالپى سوماسى اننۋيتەتتىك وتەۋ تاسىلىمەن الىنعان نەسيەگە قاراعاندا تومەن بولادى;
قارىز تەڭ ۇلەستەرمەن وتەلەتىندىكتەن جانە پايىز قارىزدىڭ قالعان بولىگىنە ەسەپتەلەتىندىكتەن, "كەستەدەن تىس" كەز كەلگەن تولەم ۇنەمدەۋگە مۇمكىندىك بەرەدى.
