ادام اقپاراتسىز بولا المايدى

22 ماۋسىمدا قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيا مەن “مەديالايف” قوعامدىق قورى استاناداعى ەقىۇ ورتالىعىنىڭ جانە سوروس-قازاقستان قورىنىڭ قولداۋىمەن قازاقستان رەسپۋبليكاسى بايلانىس جانە اقپارات مينيسترلىگىنىڭ قاتىسۋىمەن “قازاقستاندا “اقپاراتقا قول جەتكىزۋ تۋرالى” زاڭنىڭ قابىلدانۋى: ناقتىلىقتارى مەن پەرسپەكتيۆالارى” تاقىرىبىندا ساراپشىلار كەزدەسۋىن وتكىزدى. بۇل كەزدەسۋ “اقپاراتقا قول جەت­­­كىزۋ تۋرالى” جانە “اقپارات جانە اقپاراتتى قورعاۋ تۋرالى” زاڭ جوبالارى ماسەلەلەرى بويىنشا بىرىڭعاي ۇستانىم ازىرلەۋ ءۇشىن ازاماتتىق قوعام, مەملەكەتتىك ور­گان­دار مەن قازاقستاننىڭ ديپلو­ماتيالىق كورپۋسى وكىلدەرىنىڭ باسىن قوستى. 2010-2020 جىلدارعا ارنالعان قازاقستان رەسپۋبليكاسى قۇقىقتىق ساياساتىنىڭ تۇجىرىمداماسىنا ءساي­­كەس اقپاراتقا قول جەتكىزۋ ماسەلە­­لەرىن نورماتيۆتىك-قۇقىقتىق رەت­تەۋدى جەتىلدىرۋ قاجەت. جەكە زاڭ قابىلداۋ تۋرالى ۇسىنىم 2009-2012 جىلدارعا ارنالعان قازاقستان رەس­­­­پۋبليكا­­سىن­داعى ادام قۇقىقتارى سالاسىنداعى ۇلتتىق ءىس-قيمىل جوس­پارىندا دا قا­راس­تى­رىلعان. بۇگىنگى تاڭدا “اقپا­رات جانە اقپاراتتى قورعاۋ تۋرالى” زاڭ جوباسىن قابىل­داۋ 2011 جىلعا كوشىرىلگەن, مۇددەلى تاراپتار ارا­سىندا زاڭ جوباسىنىڭ ماز­مۇنى تۋرالى عانا ەمەس, ونىڭ اتاۋى تۋرالى دا ماسەلەلەر تۋ­ىنداعان. قازىرگى كەزدە “اقپارات جانە اق­­پاراتتى قورعاۋ تۋرالى” زاڭ جوبا­سى­نىڭ تۇجىرىمداماسى ماقۇلدان­عان. ۇكىمەتتىڭ اقپاراتقا قول جەت­كىزۋ سالا­سىنداعى قوعامدىق قاتى­ناس­تاردى رەت­تەيتىن زاڭ جوباسىن ازىرلەۋگە كى­رىسۋى ءتيىس دەگەن پىكىر بار. بۇل رەتتە ازاماتتىق قوعام بۇعان بەلسەندى اتسا­لىسۋعا دايىن ەكەنىن ءبىلدىرىپ وتىر. ساراپتامالىق كەزدەسۋگە ازامات­تىق قوعام, قازاقستان رەسپۋبليكاسى پرەزيدەنتى اكىمشىلىگىنىڭ, ۇكىمەت­تىڭ, پارلامەنتتىڭ, جوعارعى سوتتىڭ جانە كونستيتۋتسيالىق كەڭەستىڭ وكىلدەرى, حالىقارالىق ساراپشىلار, ديپلوماتيالىق ميسسيالار مەن باق وكىلدەرى قاتىستى. كەزدەسۋ قورىتىن­دىسى بويىنشا اقپاراتقا قول جەت­كىزۋ قۇقىعىن زاڭنامالىق رەتتەۋدى جەتىلدىرۋ ماقساتىندا پراك­تيكالىق ۇسىنىمدار ازىرلەنەتىن بولادى.