ساۋىردەن ماۋسىمعا دەيىن تەڭگەدەگى نەسيە ارزانداي ءتۇستى. قىركۇيەكتە شەتەل ۆاليۋتاسىنداعى نەسيە جەكە تۇلعالارعا قولجەتىمدى بولدى. سوندا كورسەتكىش 5,4%-دان 4,4%-عا تومەندەدى. زاڭدى تۇلعالارعا قاتىستى تەڭگەدەگى نەسيە مولشەرلەمەسى وزگەرمەي, 17,6% دەڭگەيىندە قالدى.
حالىق جەكە تۇلعا بانكروتتىعىنا كوبىرەك جۇگىنە باستاعان. الايدا بانكروتتىققا بەرگەن ءوتىنىمنىڭ 75%-ى ماقۇلدانباعان. «Qoldau.kz» پلاتفورماسىنىڭ مالىمەتىنشە, جەكە تۇلعالاردان بانكروتتىققا 124,5 مىڭ ءوتىنىش تۇسكەن. بۇل وتىنىشتەردەگى تولەنبەگەن بورىش سوماسى – 266 ملرد تەڭگە.
ماقۇلدانباۋدىڭ باستى سەبەپتەرى – ءوتىنىش بەرۋشىنىڭ اتىندا دۇنيە-م ۇلىكتىڭ بولۋى, قارىز مەرزىمى مەن سوماسىنىڭ بانكروتتىق تالاپتارىنا ساي كەلمەۋى.
