فوتو: ادىلەت مينيسترلىگى
«وسى ىسكە بايلانىستى ءبىز ءىستىڭ ءمان-جايىن اشا المايمىز, سەبەبى بۇل ىشكى ىستەر مينيسترلىگىنىڭ قۇزىرەتىنە جاتادى. سوت-مەديتسينالىق ساراپتاماعا كەلسەك, بەس ءتۇرلى ساراپتاما تاعايىندالدى: سوت-مەديتسينالىق ساراپتاما, ءورتتىڭ سەبەپتەرىن انىقتاۋ ساراپتاماسى, فوتوتەحنيكالىق ساراپتاما, مولەكۋليارلىق-گەنەتيكالىق ساراپتاما جانە بيولوگيالىق ساراپتاما», دەدى تالعات ءۋالي.
سونداي-اق ول ساراپتاما ءۇشىن قانداي دا ءبىر قارۋ-جاراقتىڭ تاركىلەنگەنىن جاريالاۋعا قۇقىعى جوق ەكەنىن اتاپ ءوتتى.
«وسى ساراپتامالاردىڭ ۇشەۋى اياقتالىپ, قۇقىق قورعاۋ ورگاندارىنا بەرىلدى, قالعانى ءالى زەرتتەۋ ساتىسىندا. تولىق اقپاراتتى تەك ىشكى ىستەر مينيسترلىگىنەن الۋعا بولادى», دەدى ادىلەت مينيسترلىگىنىڭ رەسمي وكىلى.
ەستەرىڭىزگە سالا كەتەيىك, 4 قازانعا قاراعان ءتۇنى تالعاردا جاستار اراسىندا توبەلەس شىعىپ, 16 جاستاعى شەرزات بولات قايتىس بولدى. پوليتسيا ادام ءولتىرۋ فاكتىسى بويىنشا قىلمىستىق ءىس قوزعادى. بۇل ءىستى ىشكى ىستەر ءمينيسترى ەرجان سادەنوۆ ءوز باقىلاۋىنا الدى.
سونداي-اق 12 قازاندا ازات اۋىلىندا شەرزات بولاتتىڭ وتباسىنا تيەسىلى ءۇي ورتەندى. پوليتسەيلەر م ۇلىكتى قاساقانا جويۋ دەرەگى بويىنشا ءىس قوزعاپ, وقيعانىڭ سەبەپتەرىن انىقتاپ جاتىر.
