فوتو: ult.kz
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, قازىرگى تاڭدا ەلىمىزدە شجك پايدالاناتىن 1 799 جۇمىس بەرۋشى بار. ولاردا 390,2 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96,6 پايىزىن قۇرايدى.
«ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 144 ادام, اۋىل, ورمان جانە بالىق شارۋاشىلىعى – 1 638 ادام, اكىمشىلىك جانە كومەكشى قىزمەتتەر – 1 439, وڭدەۋ ونەركاسىبى – 1 376 ادام, تاۋ – كەن ونەركاسىبى جانە كارەرلەردى قازۋ – 1 344 ادام. ەڭبەك ميگرانتتارى كەلەتىن نەگىزگى ەلدەر: قىتاي – 4 600 ادام, وزبەكستان – 1 698 ادام, تۇركيا – 1 145 ادام, ءۇندىستان – 1 101 ادام», دەلىنگەن حابارلامادا.
ايتا كەتەيىك, ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. 2024 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0,23% نەمەسە 21,5 مىڭ بىرلىك مولشەرىندە بەلگىلەندى.
