ءبىلىم وشاعى 1 200 وقۋشىعا لايىقتالعان. جاڭا موديفيكاتسياداعى كابينەتتەر, اۋماعى اتشاپتىرىم, كەڭ دە جارىق سپورت زالدارى, STEM-زەرتحانا, اسحانا, كىتاپحانا, سپورت الاڭى جانە باسقا دا كوپتەگەن مۇمكىندىك قاراستىرىلعان.
– الداعى توقساننان باستاپ 800-دەن استام وقۋشى ءبىلىم الا باستايدى. مەكتەپ وسى اۋىل تۇرعىندارىنىڭ عانا ەمەس, جاقىن ماڭداعى ەلدى مەكەندەردەگى بالالارىنىڭ دا ءبىلىم الۋىنا مۇمكىندىك تۋدىراتىن ورتالىققا اينالادى, – دەپ اتاپ ءوتتى مەكتەپ-ليتسەيدىڭ ديرەكتورى رۇستەم جاحين.
جاعىمدى جاڭالىق اۋىل تۇرعىندارىن ەرەكشە قۋانىشقا بولەپ وتىر. ولار باۋىر ەتى بالالارىنىڭ زامان تالابىنا ساي ءبىلىم الۋىنا مۇمكىندىك تۋعىزعان مەملەكەت تاراپىنان جاسالىپ وتىرعان قامقورلىق دەپ قابىلدايدى.
– جايلى مەكتەپ كوكىرەگىمىزدە جۇرگەن ارمانىمىز ەدى. بۇگىن سول ارمانعا قولىمىز جەتىپ وتىر. ءوز باسىم 23 جىل مەكتەپ ديرەكتورى بولىپ قىزمەت ەتتىم. اۋىل مەكتەبى مەن قالا مەكتەبىنىڭ بىردەي بولۋى – اتا-انالاردىڭ ەڭ باستى تىلەكتەرىنىڭ ءبىرى, – دەيدى سۆەتلانا لۋزانوۆا.
وبلىس اكىمى مارات احمەتجانوۆ جاڭا وقۋ جىلىندا وڭىردە 8 مەكتەپ اشىلعانىن, ولاردىڭ التاۋى ورىن جەتىسپەۋشىلىگى ماسەلەسىن شەشۋ جانە وقۋشىلارعا قولايلى جاعداي جاساۋ ماقساتىندا ۇلتتىق جوبا اياسىندا سالىنعانىن اتاپ ءوتتى.
– مەملەكەت باسشىسى قاسىم-جومارت توقاەۆتىڭ باستاماسىمەن ءبىزدىڭ وڭىردە جايلى مەكتەپتەر اشىلىپ وتىر. ءبىلىم وشاقتارىنىڭ جاعدايى قالا مەكتەپتەرىنەن كەم ەمەس. ەل بولاشاعى – ءبىلىمدى جانە جان-جاقتى دامىعان بالالاردىڭ قولىندا, – دەپ اتاپ ءوتتى وبلىس اكىمى.
ءدال وسىنداي ءبىلىم وشاعى وسى اۋدانداعى قاراجار اۋىلىندا جۇمىس ىستەي باستايدى. قوس قۋانىش اۋىل تۇرعىندارىنىڭ كوكىرەگىنە ريزاشىلىق سەزىم ۇيالاتىپ وتىر.
اقمولا وبلىسى,
تسەلينوگراد اۋدانى
