فوتو: جوعارى اۋديتورلىق پالاتا
مەملەكەت باسشىسىنىڭ جارلىعىنا سايكەس جوعارى اۋديتورلىق پالاتا اۋديتورلارى «قۇرمەت» وردەنىمەن جانە «ەرەن ەڭبەگى ءۇشىن» مەدالدارىمەن, سونداي-اق ۆەدومستۆولىق ناگرادالارمەن ماراپاتتالدى.
ۇجىمدى قۇتتىقتاي وتىرىپ, ءاليحان سمايىلوۆ رەسپۋبليكا كۇنىنە ۇلتتىق مەرەكە مارتەبەسىن قايتارۋ تۋرالى ۇسىنىستى ەل پرەزيدەنتى قاسىم-جومارت توقاەۆ 2022 جىلعى ماۋسىمدا وتكەن ۇلتتىق قۇرىلتاي وتىرىسىندا ايتقانىن ەسكە سالدى.
ءاليحان سمايىلوۆ مەملەكەت باسشىسى بەلگىلەگەن ەكونوميكانى ودان ءارى دامىتۋدىڭ نەگىزگى مىندەتتەرىن ىسكە اسىرۋدا مەملەكەتتىك اۋديت ورگاندارىنىڭ ءرولى وتە ماڭىزدى ەكەنىن اتاپ ءوتتى.
«ارىپتەستەر, سىزدەر اتقارىپ وتىرعان جۇمىستىڭ ماڭىزى وتە زور. جاۋاپكەرشىلىكپەن وبەكتيۆتىلىك – ساتتىلىكتىڭ كەپىلى. الداعى ۋاقىتتا دا كاسىبي مامان ەكەندەرىڭىزدى كورسەتىپ, ناقتى ناتيجەلەرگە قول جەتكىزۋگە ۇمتىلاتىندارىڭىزعا سەنىمدىمىن», دەدى جوعارى اۋديتورلىق پالاتا توراعاسى.
مەرەكەلىك ءىس-شارا اياسىندا رەسپۋبليكا كۇنىنە وراي وتكەن بالالار سۋرەتتەرى كونكۋرسىنىڭ جەڭىمپازدارى دا ماراپاتتالدى. ءاليحان سمايىلوۆ ولارعا ەستەلىك سىيلىقتار تابىس ەتتى.
