فوتو: ۇكىمەت
استانا قالاسىنىڭ اكىمى جەڭىس قاسىمبەك نىساننىڭ دايىندىق دەڭگەيى جانە مەگاپوليستىڭ كولىك جۇيەسىن ودان ءارى دامىتۋ كەلەشەگى تۋرالى باياندادى.
بۇگىنگى تاڭدا LRT ەستاكاداسىنىڭ ارقالىقتارىن توسەۋ كەزەڭى اياقتالدى. Cتانسالاردىڭ نەگىزگى تەمىربەتون كونسترۋكتسيالارى قۇرىلىسىن 2024 جىلدىڭ سوڭىنا دەيىن اياقتاۋ جوسپارلانىپ وتىر. كەلەسى جىلى رەلستەردى توسەۋ, ستانسالاردى ارلەۋ جانە جىلجىمالى قۇرامداردى جەتكىزەتىن دەپو قۇرىلىسىن جۇرگىزۋ, قابانباي باتىر داڭعىلى مەن قالداياقوۆ كوشەسى بويىنداعى ەستاكادالىق بولىك اباتتاندىرىلادى.
ولجاس بەكتەنوۆ قۇرىلىس بارىسىندا قولدانىلاتىن تەحنولوگيالىق شەشىمدەرمەن تانىستى.
جوبانى ىسكە اسىرۋعا China Construction Sixth Bureau, Yunnan Construction and Investment Holding Group Co., Longjian Road and Bridge Co., Tianjin Rail Transit Group Co., CRRC Tangshan Co LTD. سياقتى جوعارى ستاندارتتاردى ساقتاۋىمەن تانىمال قىتايلىق جەتەكشى كومپانيالار تارتىلعان. سونداي-اق CRSCInternational, CASCO, HUAWEI Smart Transport BU كومپانيالارى كولىك جۇيەسىنىڭ قاۋىپسىز ءارى ءتيىمدى جۇمىسىن قامتاماسىز ەتۋدە شەشۋشى ءرول اتقاراتىن بايلانىس, دابىل جانە اۆتوماتتاندىرۋ جۇيەلەرىن رەتتەۋگە قاتىسادى.
China Railway Asia-EuropeConstruction Investment قوسالقى مەردىگەر كومپانياسىنىڭ باس ديرەكتورى چجوۋ حايۆەي يننوۆاتسيالىق تەحنولوگيالار قولدانىلىپ جاتقانىن ايتتى. جوبا اياقتالعاننان كەيىن جەڭىل رەلستى جەلى بويىمەن جۇرگىزۋشىسىز پويىزدار ىسكە قوسىلادى.
«City Transportation Systems» جشس باسقارما توراعاسى اسىلبەك دۇيسەباەۆتىڭ ايتۋىنشا, بارلىق قۇرىلىس جۇمىستارىن اياقتاپ, LRT-نى ىسكە قوسۋ 2025 جىلدىڭ سوڭىنا جوسپارلانعان. پيلوتسىز پويىزداردى سىناقتان وتكىزۋ ءۇشىن قوسىمشا 6 اي قاجەت.
ولجاس بەكتەنوۆ جوبانىڭ ساپاسى مەن ىسكە اسىرىلۋ مەرزىمدەرىن باقىلاۋدى كۇشەيتۋ قاجەت ەكەنىن اتاپ ءوتتى.
«مەملەكەت باسشىسى ەلىمىزدىڭ كولىك جۇيەسىن دامىتۋعا ۇلكەن كوڭىل ءبولىپ جاتىر. LRT جوباسى بويىنشا ينفراقۇرىلىمدى دايىنداۋ جونىندە قىرۋار جۇمىس جۇرگىزىلدى, قاراجات ءبولىندى. LRT ەلوردا تۇرعىندارى مەن قوناقتارىنا قىزمەت كورسەتەدى. قۇرىلىس جۇمىستارىنىڭ قارقىنى ارتىپ كەلەدى, ونى باسەڭدەتپەۋ ماڭىزدى. جوبا ەڭ جوعارى دەڭگەيدە جۇزەگە اسىرىلۋى كەرەك. اكىمدىك پەن ورتالىق مەملەكەتتىك ورگاندار تاراپىنان باقىلاۋ كۇشەيتىلۋى ءتيىس. ناتيجەگە جۇمىس ىستەيتىن بولامىز», دەدى پرەمەر-مينيستر.
