استاناداعى اباي جانە بەيبىتشىلىك كوشەلەرىنىڭ قيىلىسىندا ورنالاسقان تۋريزم جانە سپورت مينيسترلىگىنىڭ الدىندا حاكىم ابايدىڭ ايشىقتى ەسكەرتكىشى بوي كوتەردى.
بيىلعى جىلدىڭ باسىندا, دالىرەك ايتساق, قاڭتار ايىندا اباي ەسكەرتكىشىن قۇيۋعا رەسپۋبليكالىق بايقاۋ جاريالانعان بولاتىن. وندا ەڭ ۇزدىك اتانعان الماتىلىق بولات دوسجانوۆتىڭ ەسكيز-يدەياسىمەن قۇيىلعان ابايدىڭ ەسكەرتكىشى تاڭداۋلى دەپ تانىلىپ, ەندى, مىنە, ەلوردادا بوي كوتەرگەن ەسكەرتكىشتەر قاتارىن تولىقتىرا ءتۇستى. ەسكەرتكىشتىڭ اشىلۋ راسىمىنە پارلامەنت سەناتىنىڭ توراعاسى قاسىم-جومارت توقاەۆ, ءماجىلىس توراعاسى ورال مۇحامەدجانوۆ, مەملەكەتتىك حاتشى – سىرتقى ىستەر ءمينيسترى قانات ساۋداباەۆ, پرەزيدەنت اكىمشىلىگى باسشىسىنىڭ ورىنباسارى ماۋلەن اشىمباەۆ, استانا قالاسىنىڭ اكىمى يمانعالي تاسماعامبەتوۆ, مادەنيەت ءمينيسترى مۇحتار قۇل-مۇحاممەد قاتىسىپ, ۇلى اقىن ەسكەرتكىشىنە گۇل دەستەسىن قويدى. وسىدان كەيىن پارلامەنت سەناتىنىڭ توراعاسى قاسىم-جومارت توقاەۆ ءسوز سويلەپ, حاكىمنىڭ ۇرپاعىنا قالدىرعان مول مۇراسى قاشاندا حالىق جادىندا ەكەنىن ايتتى. ابايدىڭ قارا سوزدەرى الەمنىڭ كوپتەگەن تىلدەرىنە اۋدارىلىپ, كۇنى بۇگىنگە دەيىن ەش ماڭىزىن جوعالتقان ەمەس. ال قازىر بۇكىل الەم قازاقتىڭ بايتاق دالاسىنان شىققان دارا ابايدىڭ قارا سوزدەرىنىڭ سۇلۋلىعى مەن دانالىعى الدىندا باس يۋدە, دەدى ول.
ەسكەرتكىشتىڭ اشىلۋ راسىمىنە ارنايى كەلگەن ۇلى اقىننىڭ جيەنى, “اباي قورىنىڭ” ديرەكتورى بالتابەك ەرسالىموۆ: “اباي – قازاق حالقىنىڭ بەت-بەينەسى, ءتولقۇجاتى. ەگەمەن ەلىمىزدىڭ بۇكىل يدەولوگياسى ابايدىڭ وسيەتىمەن, اقىلىمەن, ارمانىمەن ءجۇرۋى كەرەك”, – دەگەن ويىن جەتكىزدى.
حاكىمنىڭ جاڭا ەسكەرتكىشى ستيلوباتتان, تۇعىر مەن مۇسىننەن تۇرادى. ونىڭ جالپى بيىكتىگى 14 مەتردەن اسادى. ال جەكە اباي ءمۇسىنىنىڭ بيىكتىگى – 7, 550 مەتر. ءمۇسىندىك كومپوزيتسيا ەش قوسپاسىز ءبىرتۇتاس ازىرلەنىپ, تازا قولادان قۇيىلعان. استانا اكىمدىگى ءباسپاسوز ورتالىعى تاراتقان اقپاراتقا قاراعاندا, جىل سايىن اقىننىڭ تۋعان كۇنىنە وراي ۇيىمداستىرىلاتىن اباي وقۋلارى بولاشاقتا وسى جەردە وتەتىن بولادى.
ەسكەرتكىش اۆتورى ب.دوسجانوۆ اباي بەينەسىن ءوز شىعارماشىلىق تالداۋىندا تەرەڭ ويعا كەتكەن قالپىمەن بەينەلەپتى. ءمۇسىندى دايىنداۋعا “كوركەم-قۇيما كومبيناتى” مكك تاپسىرىس بەرسە, ونى “كازارتبرونزا” جشس دايىنداپ شىعارعان. ابايدىڭ ايشىقتى ەسكەرتكىشىنە تاعى دا ءبىر رەت كوز توقتاتا قاراپ تۇرىپ, حاكىمنىڭ ء“ولدى دەۋگە بولا ما ويلاڭدارشى, ولمەيتۇعىن ارتىنا ءسوز قالدىرعان” دەگەن سوزدەرى ويعا ورالدى. شىندىعىندا دا, ءوز زامانىنان اسىپ تۋعان دانىشپان اباي تۇلعاسى قانشاما جىلدار وتسە دە كوز الدىمىزدا بيىكتەي تۇسۋدە.
ۆەنەرا تۇگەلباي.
اناسىنىڭ ابايعا ايتقان وسيەتى
اباي بول, اڭقاۋ, البىرت قازاعىڭا,
ارا ءتۇس الاپاتتى ازابىنا!
اباي بول, زامانىڭنىڭ جەلى قاتتى,
كوز سال تەك ۇلى ءومىردىڭ عاجابىنا.
پايعامبار بولا الماسسىڭ – مىندەتىن ال.
سوزىڭنەن تاقسىن جۇرتىڭ كۇندە تۇمار.
ءومىردىڭ سان سالاسىن ۇققان حالقىڭ,
قاراسىن سەكىلدەنىپ كۇنگە قۇمار.
سوم ءسوزىڭ بولسىن ءار كەز ەلىڭە ازىق,
سول بەينەڭ سەكىلدەنىپ تەمىرقازىق.
ماڭگىگە جۇلدىز بولىپ تۇرىپ قالساڭ,
حالقىڭ دا تىنىس الار بەلىن جازىپ.
ءار زامان زاڭ اكەلەر باسقا-باسقا,
سول زاڭنان وزگە ۇرپاق ءتالىم تاپسا.
سەن ايتقان ادامدىقتىڭ قاسيەتىن,
ۇمىتپاس تەرەڭ ءمانىن عىلىم اشسا.
ۇلىلار ءداۋىردى اقتاپ الماسادى,
عۇمىردىڭ ۇلى كوشى العا اسادى.
سولاردىڭ سەنى ماقتان تۇتقاندارى,
جاڭا ءبىر جارقىراعان تاڭعا اسادى.
نۇرعوجا وراز, قازاقستان رەسپۋبليكاسىنىڭ ەڭبەك سىڭىرگەن قايراتكەرى.
بيىلعى جىلدىڭ باسىندا, دالىرەك ايتساق, قاڭتار ايىندا اباي ەسكەرتكىشىن قۇيۋعا رەسپۋبليكالىق بايقاۋ جاريالانعان بولاتىن. وندا ەڭ ۇزدىك اتانعان الماتىلىق بولات دوسجانوۆتىڭ ەسكيز-يدەياسىمەن قۇيىلعان ابايدىڭ ەسكەرتكىشى تاڭداۋلى دەپ تانىلىپ, ەندى, مىنە, ەلوردادا بوي كوتەرگەن ەسكەرتكىشتەر قاتارىن تولىقتىرا ءتۇستى. ەسكەرتكىشتىڭ اشىلۋ راسىمىنە پارلامەنت سەناتىنىڭ توراعاسى قاسىم-جومارت توقاەۆ, ءماجىلىس توراعاسى ورال مۇحامەدجانوۆ, مەملەكەتتىك حاتشى – سىرتقى ىستەر ءمينيسترى قانات ساۋداباەۆ, پرەزيدەنت اكىمشىلىگى باسشىسىنىڭ ورىنباسارى ماۋلەن اشىمباەۆ, استانا قالاسىنىڭ اكىمى يمانعالي تاسماعامبەتوۆ, مادەنيەت ءمينيسترى مۇحتار قۇل-مۇحاممەد قاتىسىپ, ۇلى اقىن ەسكەرتكىشىنە گۇل دەستەسىن قويدى. وسىدان كەيىن پارلامەنت سەناتىنىڭ توراعاسى قاسىم-جومارت توقاەۆ ءسوز سويلەپ, حاكىمنىڭ ۇرپاعىنا قالدىرعان مول مۇراسى قاشاندا حالىق جادىندا ەكەنىن ايتتى. ابايدىڭ قارا سوزدەرى الەمنىڭ كوپتەگەن تىلدەرىنە اۋدارىلىپ, كۇنى بۇگىنگە دەيىن ەش ماڭىزىن جوعالتقان ەمەس. ال قازىر بۇكىل الەم قازاقتىڭ بايتاق دالاسىنان شىققان دارا ابايدىڭ قارا سوزدەرىنىڭ سۇلۋلىعى مەن دانالىعى الدىندا باس يۋدە, دەدى ول.
ەسكەرتكىشتىڭ اشىلۋ راسىمىنە ارنايى كەلگەن ۇلى اقىننىڭ جيەنى, “اباي قورىنىڭ” ديرەكتورى بالتابەك ەرسالىموۆ: “اباي – قازاق حالقىنىڭ بەت-بەينەسى, ءتولقۇجاتى. ەگەمەن ەلىمىزدىڭ بۇكىل يدەولوگياسى ابايدىڭ وسيەتىمەن, اقىلىمەن, ارمانىمەن ءجۇرۋى كەرەك”, – دەگەن ويىن جەتكىزدى.
حاكىمنىڭ جاڭا ەسكەرتكىشى ستيلوباتتان, تۇعىر مەن مۇسىننەن تۇرادى. ونىڭ جالپى بيىكتىگى 14 مەتردەن اسادى. ال جەكە اباي ءمۇسىنىنىڭ بيىكتىگى – 7, 550 مەتر. ءمۇسىندىك كومپوزيتسيا ەش قوسپاسىز ءبىرتۇتاس ازىرلەنىپ, تازا قولادان قۇيىلعان. استانا اكىمدىگى ءباسپاسوز ورتالىعى تاراتقان اقپاراتقا قاراعاندا, جىل سايىن اقىننىڭ تۋعان كۇنىنە وراي ۇيىمداستىرىلاتىن اباي وقۋلارى بولاشاقتا وسى جەردە وتەتىن بولادى.
ەسكەرتكىش اۆتورى ب.دوسجانوۆ اباي بەينەسىن ءوز شىعارماشىلىق تالداۋىندا تەرەڭ ويعا كەتكەن قالپىمەن بەينەلەپتى. ءمۇسىندى دايىنداۋعا “كوركەم-قۇيما كومبيناتى” مكك تاپسىرىس بەرسە, ونى “كازارتبرونزا” جشس دايىنداپ شىعارعان. ابايدىڭ ايشىقتى ەسكەرتكىشىنە تاعى دا ءبىر رەت كوز توقتاتا قاراپ تۇرىپ, حاكىمنىڭ ء“ولدى دەۋگە بولا ما ويلاڭدارشى, ولمەيتۇعىن ارتىنا ءسوز قالدىرعان” دەگەن سوزدەرى ويعا ورالدى. شىندىعىندا دا, ءوز زامانىنان اسىپ تۋعان دانىشپان اباي تۇلعاسى قانشاما جىلدار وتسە دە كوز الدىمىزدا بيىكتەي تۇسۋدە.
ۆەنەرا تۇگەلباي.
اناسىنىڭ ابايعا ايتقان وسيەتى
اباي بول, اڭقاۋ, البىرت قازاعىڭا,
ارا ءتۇس الاپاتتى ازابىنا!
اباي بول, زامانىڭنىڭ جەلى قاتتى,
كوز سال تەك ۇلى ءومىردىڭ عاجابىنا.
پايعامبار بولا الماسسىڭ – مىندەتىن ال.
سوزىڭنەن تاقسىن جۇرتىڭ كۇندە تۇمار.
ءومىردىڭ سان سالاسىن ۇققان حالقىڭ,
قاراسىن سەكىلدەنىپ كۇنگە قۇمار.
سوم ءسوزىڭ بولسىن ءار كەز ەلىڭە ازىق,
سول بەينەڭ سەكىلدەنىپ تەمىرقازىق.
ماڭگىگە جۇلدىز بولىپ تۇرىپ قالساڭ,
حالقىڭ دا تىنىس الار بەلىن جازىپ.
ءار زامان زاڭ اكەلەر باسقا-باسقا,
سول زاڭنان وزگە ۇرپاق ءتالىم تاپسا.
سەن ايتقان ادامدىقتىڭ قاسيەتىن,
ۇمىتپاس تەرەڭ ءمانىن عىلىم اشسا.
ۇلىلار ءداۋىردى اقتاپ الماسادى,
عۇمىردىڭ ۇلى كوشى العا اسادى.
سولاردىڭ سەنى ماقتان تۇتقاندارى,
جاڭا ءبىر جارقىراعان تاڭعا اسادى.
نۇرعوجا وراز, قازاقستان رەسپۋبليكاسىنىڭ ەڭبەك سىڭىرگەن قايراتكەرى.
