وقيتىن ۇلتقا ورتاق مەرەكە

باس كىتاپحانانىڭ كىرەبەرىسىنە قىزىل كىلەم توسەلىپ, ەل ايماقتارىنان كەلگەن جۇزدەگەن كىتاپحاناشىنى ۇيىم­داستىرۋشىلار ايرىقشا قۇرمەت­پەن قارسى الدى. ولاردىڭ اراسىندا بۇكىل عۇمىرىن كىتاپحانا ىسىمەن ۇشتاستىرعان سالا ارداگەرلەرى دە بار. سالتاناتتى ءىس-شارا مادەنيەت جانە اقپارات ءمينيسترى ايدا بالاەۆانىڭ بەينە-قۇتتىقتاۋىمەن اشىلدى.

«بارشاڭىزدى كاسىبي مەرەكەمەن قۇتتىقتايمىن. «ادامدى ادام ەتكەن – كىتاپ, ادامزات ەتكەن – كىتاپحانا» دەپ ءابىش كەكىلباي ۇلى ايتقانداي, كىتاپحانا – ونەر مەن مادەنيەتتىڭ, شىعارماشىلىق پەن رۋحانياتتىڭ قاسيەتتى ورداسى. عالىمداردىڭ, ويشىلدار مەن جازۋشىلاردىڭ كول-كوسىر ءبىلىمى, جانقيارلىق جۇمىستارى كىتاپتاردا ساقتالعان. ال بۇل باعا جەتپەس قازىنانى ساقتاۋشى – كىتاپحانالار مەن وندا قىزمەت ەتەتىن ادامدار. مەملەكەت باسشىسى قاسىم-جومارت توقاەۆ ۇلتتىق قۇرىلتايدا كىتاپ وقيتىن ۇلتقا اينالۋىمىز كەرەكتىگىن ايتقان ەدى. ەلىمىزدىڭ كىتاپحانا قورىندا 73 ملن شاماسىندا كىتاپ بار. سونداي-اق تسيفرلى قوردىڭ ەلەكتروندى كوشىرمەسى 77 مىڭ­نان استى. 2020-2024 جىلدارى ارالى­عىن­دا كىتاپحانا وقىرماندارىنىڭ سانى 3 ملن-نان 5 ملن-عا دەيىن كوبەيىپ وتىر. بۇل جۇمىستاردا كىتاپحاناشىلار­دىڭ ەڭبەگى ولشەۋسىز. اقپاراتتىق تەحنولوگيا جەتىستىكتەرى كىتاپحانالار ءۇشىن جاڭا مۇمكىندىكتەرگە جول اشتى. بۇل باعىتتا قارقىندى دامىپ كەلە جاتقان جوبالاردىڭ ءبىرى رەتىندە قازاقستان ۇلتتىق ەلەكتروندى كىتاپحاناسى پورتالىن اتاۋعا بولادى.

كىتاپحانالار زاماناۋي قۇرىلعىلارمەن جا­راق­تالىپ, وقىرماندار مەن قىزمەتكەرلەرگە قولاي­لى جاعداي جاسالۋدا. مي­نيسترلىك تاراپىنان الەۋ­مەتتىك ماڭىزى بار كىتاپ­تاردى باسىپ شىعارۋ مەن تاراتۋدا اۋقىمدى جۇ­مىس­­تار اتقارىلىپ جاتىر. كەيىنگى جىلدارى ەل كىتاپ­­­­­حانالارى 4,5 ملن دانا كىتاپ­­پەن تولىقتى. بيىل­دىڭ وزىندە 200-گە جۋىق ادەبي كىتاپ 506 مىڭ دانامەن تۇتاس ەل ايماق­تارىنا تاراتىلدى. مينيسترلىك كىتاپ­حا­نالاردىڭ ماتەريالدىق-تەحني­كا­لىق بازاسىن جەتىل­دىرۋ, كىتاپحانا قىز­مەت­كەر­لەرىنىڭ جالاقىسىن ارت­تىرۋ با­عىتىنداعى ماسەلە­لەر­دى دە نازار­عا الىپ وتىر. مەم­لەكەت تاراپىنان كى­تاپ­­حا­ناشىلاردىڭ بىلىك­تى­لى­گىن ارتتىرۋعا ەرەكشە كوڭىل بولىنەدى. 2024-2025 وقۋ جىلدارى كىتاپحانا ماماندارىنا ارنالعان وقۋ گرانتتارى­نىڭ سانى دا 5 ەسەگە دەيىن ۇلعايماق. قازىرگى كەزدە كىتاپحانالاردى قوعام مۇددەسىنە ساي دامىتىپ, ولار­دىڭ قورىن كوبەيتۋ, جۇ­مىستارىنىڭ جاڭا تۇرلەرىن ەنگىزۋ جانە جاساندى ينتەللەكت مۇمكىندىكتەرىن پايدالانۋ وتە ماڭىزدى. كاسىبي مەرەكە قارساڭىندا كىتاپحانا قىزمەتكەرلەرىنە كۇندەلىكتى قاجىرلى قىزمەتى, ۇلتتىق جانە الەمدىك مۇرانى ساق­تاي وتىرىپ, وقىرماندار­دى اقپاراتپەن قامتاماسىز ەتۋدە اتقا­رىپ جاتقان ەسەلى ەڭبەگى ءۇشىن العىس ايتامىن», دەدى مينيستر ءوز قۇتتىقتاۋىندا.

سونداي-اق ءىس شارادا يفلا – كىتاپ­حانالىق قاۋىمداستىقتار مەن مە­كە­مەلەردىڭ حالىقارالىق فەدەراتسيا­سىنىڭ پرەزيدەنتى ۆيككي ماكدونالد كاسىبي ماماندارعا بەينە-قۇتتىق­تاۋ جول­داپ, كىتاپحانا ءىسىن ورىستەتۋ وركە­نيەتتى ەلدەردىڭ يگىلىكتى قادامى ەكە­نىن, الەم­دى ىزگىلىكە شاقىرۋدا كىتاپ­حاناشىلاردىڭ ءرولى ۇلكەن ماڭىزعا يە ەكەنىن ايتتى.

مەرەكەدە وڭىرلەردەن كەلگەن ۇزدىك قىزمەتكەرلەرگە قۇرمەت كورسەتىلىپ, ەرەن ەڭبە­گىمەن ەلەنگەن ماماندارعا توس­بەل­گىلەر مەن العىسحاتتار تابىس­تالدى. مادەنيەت جانە اقپارات مي­نيسترلىگى ارحيۆ, قۇجاتتاما جانە كىتاپ ءىسى كومي­تەتىنىڭ توراعاسى رۋس­تام ءالي قاستەرلى مامان­دىقتىڭ قادىرى مەن بەدەلىن ارتتىرۋ ماڭىزدى مىندەت ەكە­نىنە توقتالىپ, مادەني مۇ­رانى ساقتاۋ, كىتاپ وقي­تىن ءبىلىمدى ۇلت قا­لىپ­­تاس­­تى­رۋ باعىتىن­داعى جۇ­مىس­­ جالعاسا بەرەتىنىن جەت­كىزدى.

ايتۋلى مەرەكەدە انار ءابدىراحما­نوۆا, گۇلجان قا­ليەۆا, ساۋلە ەسەنقۇ­لوۆا, ولگا مالتسەۆا, ما­حا­م­بەت حارمى­سوۆ, جە­مىس جانعىلىشەۆا, گۇلجاۋ­ھار ەسەنتاەۆا, ايتبالا جول­ماحانوۆا, گۇلشات تۇر­سىن­قىزى, بايان ۋاتاەۆا, ءلايلا سىزدىقوۆا, مەيرامكۇل وتە­گە­نوۆا, پەرنەكۇل نال­تاەۆا, ريزا يب­راي­موۆا قاتار­لى ۇزدىك ماماندار «ما­دە­نيەت سالاسىنىڭ ۇزدىگى» توسبەل­گىسىمەن ماراپاتتالدى.

ال گۇلميرا ماحان­بە­توۆا, وناي مىرزاعاليەۆا, سايلاۋگۇل داۋلەتشينا, اي­گۇل جۇمابەكوۆا, ايگۇل وراز­قۇلوۆا سىندى كىتاپحانا ىسىنە ەڭبەگى سىڭگەن ازاماتتارعا «ەڭبەك ارداگەرى» توسبەلگىسى تابىستالدى.

سونىمەن بىرگە مادەنيەت جانە اقپارات ءمينيسترىنىڭ قۇرمەت گراموتاسىمەن جانە العىسحاتىمەن ءمادينا اب­دۋل­لاەۆا, ەلەنا مۋسينا, گۇل­­سىمحان قوجاعۇلوۆا, اي­گۇل راحمەتجانوۆا, كۇ­ليا ساۋرىقوۆا, داراجا جولىم­بەتوۆا, بيبىگۇل قوز­بە­كوۆا, جانار ادايالوۆا, اق­مارال قۇرمانوۆا, مە­رۋەرت ماۋ­سىم­بەكوۆا, قار­لى­عاش ورازا­­لينوۆا, اسەم­گۇل تولەنو­ۆالار ماراپاتتالدى.

كاسىبي مەرەكەدە قۇشاعى گۇلگە تو­لىپ, ماراپات العان­دار – ەلىمىزدىڭ ءار وڭى­رىن­دە­گى ءتۇرلى دەڭگەيدەگى كىتاپ­حانالاردا قىزمەت ەتەتىن ۇزدىك ماماندار.

«كىتاپ – دۇنيەدەگى بار­لىق ىزگىلىكتىڭ باس­تاۋ بۇلاعى. بار­­لىق رۋحاني قازى­نا, باي­­­لىق وسى كىتاپحانادا. كى­تاپ­­­­حانا­شىلار كۇندەلىكتى ءتۇرلى كىتاپ­تارمەن تانىسادى, وقىرماننىڭ مىڭ سان ساۋا­­­لىنا جاۋاپ بەرەدى. قا­زىر­­گى كۇنى وقىرمان تالابى دا كۇشەيگەن. قوعامدا كى­تاپ­­­حاناشىنىڭ ءرولى وتە ماڭىزدى جانە مارتەبەسى دە اسىپ كەلە­دى. بۇل تەك كى­تاپ­­حاناشىلار­دىڭ عانا ەمەس, كىتاپتى جاقسى كورە­تىن وقىر­مانداردىڭ, كىتاپ­­حانا­شى­نىڭ قوعامداعى وراسان زور ءرولىن باعالاي­تىن ادام­دار­دىڭ دا مەرەكەسى», – دەيدى ۇلت­تىق كىتاپحانانىڭ كىتاپ قو­رىن تولىقتىرۋ قىز­مەتىنىڭ جەتەكشىسى حانشايىم مۇساقىزى.

الماتى