فوتو: مادەنيەت جانە اقپارات مينيسترلىگى
ءىس-شاراعا كورنەكتى مادەنيەت جانە ونەر قايراتكەرلەرى, جۋرناليستەر, اقپارات سالاسىنىڭ قىزمەتكەرلەرى قاتىستى. قر مادەنيەت جانە اقپارات ءمينيسترى ايدا بالاەۆا ءسوز سويلەپ, قاتىسۋشىلاردى مەرەكەمەن قۇتتىقتادى.
«قايىرلى كۇن ارداقتى قاۋىم, قۇرمەتتى ارىپتەستەر! جالپى تاۋەلسىزدىگىمىزدىڭ ارقاسىندا, بۇگىن بارشاڭىزعا ەلىمىزدىڭ ءار سالاسىندا كۇندەلىكتى ايانباي توككەن ەڭبەكتەرىڭىز ءۇشىن ريزاشىلىعىمدى بىلدىرەمىن. سىزدەردىڭ قاجىرلى ەڭبەكتەرىڭىزدى ەسكەرىپ, پرەزيدەنتىمىز بۇگىن مەملەكەتتىك ناگرادالار تۋرالى جارلىق شىعاردى. بۇل بارلىعىمىز ءۇشىن ۇلكەن ءسۇيىنشى حابار. سەبەبى, ءار ادام ءۇشىن ءوز ەڭبەگىنىڭ باعالانۋى – ۇلكەن باقىت. بۇل ءبىزدىڭ سالاعا بەرىلگەن جوعارى باعا ءارى مارتەبە دەپ بىلەمىز», دەدى ايدا بالاەۆا.
كەش بارىسىندا مينيستر قر پرەزيدەنتىنىڭ اتىنان ەلدىڭ دامۋىنا ەلەۋلى ۇلەس قوسقان بىرقاتار مادەنيەت جانە ونەر سالاسىنىڭ قايراتكەرىنە ءتۇرلى ماراپات تابىستادى. اتاپ ايتساق, مەملەكەت باسشىسىنىڭ جارلىعىمەن بەلگىلى ەسترا ءانشىسى مايرا ىلياسوۆاعا جانە «استانا وپەرا» مەملەكەتتىك وپەرا جانە بالەت تەاترى باس ديريجەرىنىڭ ورىنباسارى ابزال مۇحيتدينگە «قازاقستاننىڭ حالىق ءارتىسى» اتاعى بەرىلدى.
سونداي-اق قازاق ۇلتتىق ونەر ۋنيۆەرسيتەتىنىڭ دوتسەنتى ءاليبي ءابدىنۇروۆ, «استانا بالەت» تەاترىنىڭ بالەت ءسوليسى اينۇر ابىلعازينا, «استانا وپەرا» مەملەكەتتىك وپەرا جانە بالەت تەاترىنىڭ بالەت ترۋپپاسىنىڭ تالىمگەر ۇستازى داميرا زاينۋللينا, روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ كەڭەسشىسى عازيزا عابراحيموۆا, قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ ءارتىسى باقىت جۇماعۇلوۆا, روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ءارتىسى سۇلەيمەن يبراگيموۆ, قازاق ۇلتتىق ونەر ۋنيۆەرسيتەتىنىڭ پروفەسسورى نازيرا مۇقىشەۆا, استانا قالاسىنداعى قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ باسشىسى عازيزا نۇرعاليەۆا, قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ اكتريساسى رىمكەش ومارحانوۆا, قازاق ۇلتتىق ونەر ۋنيۆەرسيتەتىنىڭ اعا وقىتۋشىسى الما سىرباەۆا, قازاق ۇلتتىق ونەر ۋنيۆەرسيتەتىنىڭ ء«داستۇرلى ءان» كافەدراسىنىڭ مەڭگەرۋشىسى ەربول سارين «قازاقستاننىڭ ەڭبەك سىڭىرگەن قايراتكەرى» اتاعىمەن ماراپاتتالدى.
مەملەكەت باسشىسىنىڭ جارلىعىمەن بىرقاتار ازاماتقا «پاراسات», ءىى دارەجەلى «دوستىق», «قۇرمەت» وردەندەرى, «ەرەن ەڭبەگى ءۇشىن» جانە «شاپاعات» مەدالدارى تابىستالدى. سونىمەن قاتار ەلۋدەن استام ۆەدومستۆولىق ناگرادالار, قۇرمەت گراموتالارى مەن العىس حاتتار تاپسىرىلدى.
ماراپاتتاۋ راسىمىنەن كەيىن روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ۇجىمى ۇسىنعان كونتسەرتتىك باعدارلاما ۇسىنىلدى.
