فوتو: قورعانىس مينيسترلىگى
سالتاناتتى ءراسىم قر قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا ءوتتى. راحىمجان قوشقارباەۆتىڭ ءجۇز جىلدىق مەرەيتويىنا ارنالعان ءىس-شارا ەلوردا اكىمدىگىنىڭ, استانا قالاسىنىڭ جاستار ساياساتى ماسەلەلەرى جونىندەگى باسقارماسىنىڭ جانە «جاس سارباز» رقب ەلوردالىق فيليالىنىڭ قولداۋىمەن ءوتتى.
وقۋشىلاردى «قارۋلى كۇشتەر ارداگەرلەرى» رەسپۋبليكالىق قوعامدىق بىرلەستىگى توراعاسىنىڭ ورىنباسارى گەنەرال-مايور مارات ناعۇمانوۆ قۇتتىقتاپ, ولارعا قوزعالىس مۇشەسىنىڭ كۋالىگىن تابىس ەتتى.
«قۇرمەتتى بالالار, سەندەر مۇمكىندىگى مول تاماشا ۋاقىتتا ءومىر ءسۇرىپ جاتسىڭدار. بارلىق الەۋەتتى, كۇش-قۋاتتى جانە ءبىلىمدى ءومىردىڭ باستى ماقساتىن جۇزەگە اسىرۋعا باعىتتاڭدار. ەستەرىڭدە بولسىن, قازاقستان سەندەردىڭ ارقايسىڭنىڭ جەتىستىكتەرىڭە مۇددەلى, ويتكەنى سەندەر ەلدىڭ بولاشاعىسىڭدار», دەپ اتاپ ءوتتى م.ناعۇمانوۆ.
بالالار جاس پاتريوتتىڭ انت سوزدەرىن ەرەكشە ىقىلاسپەن جانە ماقتانىشپەن ايتتى. وسىنداي قۋانىشتى ساتپەن وقۋشىلاردى «جاس سارباز» رەسپۋبليكالىق بالالار-جاسوسپىرىمدەر اسكەري-پاتريوتتىق قوزعالىسىنىڭ توراعاسى مايور مەيىربەك مەڭدىعاليەۆ تا قۇتتىقتادى.
