فوتو: alashinfo.kz
قازاقستاننىڭ استىق بويىنشا ەكسپورتتىق الەۋەتى 12 ملن تونناعا باعالانىپ وتىر. ونىڭ 7,5 ملن تونناسى بيدايعا, 1,4 ملن تونناسى ارپاعا, 300 مىڭ تونناسى جۇگەرىگە تيەسىلى. مايلى داقىلدار بويىنشا الەۋەت 1 ملن توننادان اسادى.
«قازاقستان ورتالىق ازيا ەلدەرى مەن اۋعانستان نارىعىنا استىق جەتكىزۋدى جالعاستىرادى. بۇل شامامەن 4,2 ملن توننا. جالپى, قىتايعا استىق ەكسپورتى 2023 جىلى 1,43 ملن توننانى قۇراپ, جىلىنا 5,5 ەسە ءوسىم كورسەتتى», دەدى قايرات تورەباەۆ.
سونداي-اق, ۆيتسە-مينيستر قىتايعا بيداي ەكسپورتى وتكەن جىلعى كورسەتكىشتەن 15 ەسە ارتقانىن اتاپ ءوتتى. 2023 جىلى قىتايعا جونەلتىلگەن بيداي 538,8 مىڭ توننانى قۇراعان.
«بۇل قىتاي مەن ازيا ەلدەرىنە 1,6 ملن تونناعا دەيىن بيداي جەتكىزۋ مۇمكىندىگى بار ەكەنىن كورسەتەدى. قىتاي ورگاندارىنىڭ تالاپتارىنا بايلانىستى شەكارادا كىدىرىس ماسەلەسىن, سونداي-اق قىتايداعى ءبىزدىڭ ەلدىڭ استىق يمپورتىنا ليتسەنزيالار مەن كۆوتالار سياقتى كۇردەلى شارتتاردى پىسىقتاۋ ماڭىزدى», دەدى قايرات تورەباەۆ.
سپيكەر جاھاندىق سۇرانىستىڭ ارتۋى جانە بىرقاتار ەلدە ونىمدىلىكتىڭ تومەندەۋىنە يتاليا, لاتۆيا, يسپانيا سياقتى ەۋروپالىق وداق ەلدەرىنىڭ نارىعىن دا قامتۋ مۇمكىندىگىن دە قاراستىرۋ ۇتىمدى بولاتىنىن ەسكەرتتى.
