فوتو سەناتتىڭ ءباسپاسوز قىزمەتى
رەسپۋبليكا كۇنى قارساڭىندا ۇيىمداستىرىلعان اكتسيا اياسىندا سەناتورلار تۇران داڭعىلى, دىنمۇحامەد قوناەۆ, قابانباي باتىر جانە دوستىق كوشەلەرىنىڭ اراسىندا ورنالاسقان ساياباقتا كوگالداندىرۋ جۇمىستارىن جۇرگىزدى. يگىلىكتى ىسكە دەپۋتاتتار مەن پالاتا اپپاراتىنىڭ قىزمەتكەرلەرىنەن بولەك, سەنات جانىنداعى ساراپشىلار كلۋبىنىڭ مۇشەلەرى جانە ەلوردانىڭ تازالىعىن كوزدەيتىن باستامالارعا ۇنەمى ءوز ۇلەستەرىن قوسىپ جۇرگەن تالداۋ مەكتەبىنىڭ تۇلەكتەرى دە اتسالىستى. ءىس-شاراعا بارلىعى 100-گە جۋىق ادام قاتىسىپ, ولار الما اعاشىنىڭ جانە مويىل, ىرعاي سياقتى بۇتا جەمىستەرىنىڭ 200 كوشەتىن وتىرعىزدى.
«پرەزيدەنتىمىز قاسىم-جومارت كەمەل ۇلى توقاەۆتىڭ باستاماسىمەن ەلىمىز بويىنشا وتكىزىلىپ جاتقان «تازا قازاقستان» جالپىۇلتتىق ەكولوگيالىق اكتسياسى بارشا قازاقستاندىقتى ورتاق ىسكە جۇمىلدىرىپ وتىر. بۇل ءبىر رەتتىك ءىس-شارا ەمەس. مۇنداي باستاما – ەلىمىزدە ەكومادەنيەتتى قالىپتاستىرۋعا جانە جاڭا قوعامدىق ەتيكا مەن ءپاتريوتيزمدى نىعايتۋعا تىڭ سەرپىن بەرەتىن جۇيەلى جۇمىس. وسىنداي ناقتى ىستەر قورشاعان ورتاعا قامقورلىقپەن قاراۋدى ءار ادام ءۇشىن كۇندەلىكتى نورماعا اينالدىرۋعا جول اشادى», دەدى سەنبىلىككە قاتىسقان ازاماتتارمەن تىلدەسكەن ماۋلەن اشىمباەۆ.
سونداي-اق پالاتا سپيكەرى مەملەكەت باسشىسى قاسىم-جومارت توقاەۆ بيىلعى جولداۋىندا قورشاعان ورتاعا ۇقىپپەن قاراۋدى ودان ءارى دامىتۋدىڭ ماڭىزدى ەكەنىنە باسا ءمان بەرگەنىن ايتتى. سوندىقتان قازىرگى تاڭدا تابيعاتتى ايالاۋ جانە ەكولوگيالىق جاۋاپكەرشىلىك قاعيداتتارى كۇن تارتىبىندەگى وزەكتى ماسەلەلەردىڭ بىرىنە اينالىپ وتىر.
