فوتو: ru.euronews.com
فرانتسيالىق باق مۇنداي توپان سۋ ەل اۋماعىندا كەيىنگى 40 جىلدا بولماعانىن اتاپ ءوتتى.
ال فرانتسۋز مەتەورولوگتارى وڭتۇستىكتەگى اردەش جانە لوزەر ايماعىنىڭ كەيبىر اۋداندارىندا 48 ساعات ىشىندە 700 ميلليمەترگە دەيىن جاڭبىر جاۋعانىن مالىمدەدى.
فرانتسيا پرەمەر-ءمينيسترى ميشەل بارنەنىڭ ايتۋىنشا, توتەنشە جاعداي بولعان ۋاقىتتا ماماندار 2300-گە جۋىق قۇتقارۋ وپەراتسياسىن وتكىزگەن. 1000-نان اسا ادام ەۆاكۋاتسيالانعان.
ء«بىز كليماتتىڭ وسىنداي توسىن مىنەزىنە دايىن بولۋىمىز كەرەك. مەن توتەنشە جاعدايلارعا ەۋروپا ەلدەرى بىرىگە الدىن الۋ شارالارىن ۇيىمداستىرۋ كەرەك دەپ ويلايمىن. تاجىريبە كورسەتكەندەي توپان سۋدىڭ سالدارىمەن ەمەس, الدىن الا سەبەبىن انىقتاپ, وعان جول بەرمەۋ ەكونوميكالىق تۇرعىدا دا الدەقايدا ءتيىمدى», دەدى فرانتسيا پرەمەر-ءمينيسترى.
سونداي-اق, سۋ تاسقىنى كەزىندە ليون مەن سەنت-ەتەن قالالارى اراسىندا تەمىر جول قاتىناسى ۇزىلگەن. كۇرە جولدى دا سۋ شايۋىنا بايلانىستى كولىك قاتىناسى توقتاتىلعان.
19 قازان كۇنى مەتەو-فرانتسيا كۇن رايىنىڭ قولايسىزدىعىنا بايلانىستى قويىلعان قاۋىپتىڭ قىزىل بەلگىسىن جويدى. دەسەدە وڭتۇستىك-باتىس اۋدانداردا ءالى دە نوسەر جاۋىن سالدارىنان سۋ تاسقىنى بولۋى مۇمكىن ەكەنىن ەسكەرتتى.
بۇگىندە ەل اۋماعىن سۋدان تازارتۋ, ينفراقۇرىلىمدى قالپىنا كەلتىرۋ جۇمىستارى باستالىپ كەتكەن.
