ايتا كەتەيىك, بيىل 12 اقپاندا بەلكول كەنتىندە جوعارى سىنىپ وقۋشىسىنىڭ جۇدىرىعىنان توعىزىنشى سىنىپتاعى ءجاسوسپىرىم ءجانتاسىلىم بولعان. ولار بالانى كوپقاباتتى تۇرعىن ءۇيدىڭ دالىزىندە سوققىعا جىعىپ, كەيىن ونىڭ دەنەسىن مەديتسينالىق مەكەمەگە جەتكىزگەن. الايدا بۇل ساتتە اۋىر سوققى العان وقۋشى كوز جۇمعان. سوت سوتتالۋشىنى 6 جىل 8 ايعا باس بوستاندىعىنان ايىردى.
«سوتتالۋشى جابىرلەنۋشىگە «نەگە شىلىم شەگەسىڭ؟» دەپ ەسكەرتپە جاساپ, قىلمىستىق پيعىلىن ورىنداۋ ماقساتىندا جابىرلەنۋشىنىڭ كەۋدە تۇسىنان 2 مارتە جۇدىرىقپەن ۇرعان. ناتيجەسىندە, جابىرلەنۋشى وقيعا ورنىندا جۇرەگى توقتاپ, كوز جۇمدى. قر قك 106-بابىنىڭ 3-بولىگىمەن سوتتالۋشى كىنالى دەپ تانىلىپ, 6 جىل 8 اي مەرزىمگە باس بوستاندىعىنان ايىرۋ جازاسى تاعايىندالدى. ۇكىم زاڭدى كۇشىنە ەنگەن جوق», دەدى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوت اكىمشىسىنىڭ باسشىسى داۋرەن تايىروۆ.
