فوتو: dalanews.kz
اتاپ ايتقاندا, تۇجىرىمداماعا سۋ تاسقىنىن بولجاۋ مەن مودەلدەۋدى جەتىلدىرۋ, كادرلىق الەۋەتتى ارتتىرۋ, سونداي-اق ءتيىستى ينفراقۇرىلىمدى دامىتۋ جونىندەگى تارماقتار قوسىلدى.
ەنگىزىلگەن وزگەرىستەردى ەسكەرە وتىرىپ, تۇجىرىمدامانى ىسكە اسىرۋ جونىندەگى ءىس-قيمىل جوسپارى دا قايتا قارالىپ, تولىقتىرىلدى. 2030 جىلعا قاراي قول جەتكىزۋ جوسپارلانىپ وتىرعان 13 ينديكاتور انىقتالدى.
ەلدىڭ سۋ قاۋىپسىزدىگىن قامتاماسىز ەتۋ ءۇشىن تۇجىرىمدامادا جاڭادان 42 سۋ قويماسىن سالۋ, 37 سۋ قويماسىن رەكونسترۋكتسيالاۋ جانە 14 مىڭ شاقىرىمنان استام سۋارۋ كانالدارىن جاڭعىرتۋ كوزدەلەدى. بۇل سۋ تاسىمالداۋ كەزىندە ءونىمسىز شىعىنداردى 50%-دان 25%-عا دەيىن ازايتۋعا, سۋارمالى جەرلەردىڭ اۋدانىن 2,5 ملن گەكتارعا دەيىن, ال قولدا بار سۋ رەسۋرستارىنىڭ كولەمىن 2,6 ملرد تەكشە مەترگە ۇلعايتۋعا مۇمكىندىك بەرەدى.
سونداي-اق ەكونوميكا سالالارىن سۋمەن تۇراقتى قامتاماسىز ەتۋ جانە توتەنشە جاعدايلاردىڭ تۋىنداۋ قاۋپىن ازايتۋ ءۇشىن گيدروتەحنيكالىق قۇرىلىستاردىڭ جاعدايى جاقسارادى.
«تۇجىرىمداماعا سايكەس سۋ رەسۋرستارىن باسقارۋ جۇيەسىن دامىتۋ بىرنەشە باعىت بويىنشا جۇزەگە اسىرىلادى. بۇل سۋ رەسۋرستارىن پايدالانۋ تيىمدىلىگىن ارتتىرۋ, سۋ شارۋاشىلىعى ينفراقۇرىلىمىن جاڭعىرتۋ جانە دامىتۋ, اقپاراتتىق-تالدامالىق بازانى جەتىلدىرۋ, ەكولوگيالىق جاعدايدى جاقسارتۋ, ترانسشەكارالىق ىنتىماقتاستىقتى دامىتۋ, نورماتيۆتىك-قۇقىقتىق بازانى جەتىلدىرۋ جانە باسقا دا ءىس-شارالار», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
