مىرزابوسىنوۆ ستانيسلاۆ چەرچەسوۆتىڭ «فرانتسۋز تىلىنە» قاتىستى قالجىڭى ورىنسىز بولعانىن ايتتى. جانە مۇنى قازاقستان فۋتبول فەدەراتسياسى دا, باپكەردىڭ ءوزى دە تۇسىنگەنىن جازدى.
- چەرچەسوۆتىڭ باستى مىندەتى – ۇلتتىق قۇرامانى جاڭا دەڭگەيگە شىعارۋ. ەندەشە, وعان ەڭ الدىمەن كاسىبي قىزمەتىنە قاراپ باعا بەرۋگە شاقىرامىن. ءبىز قاشاننان قوناقجاي, دارحان مىنەزدى, كەشىرىمدى ەلمىز. ءبىزدى مىقتى ەل ەتەتىن دە وسى قاسيەتتەر. سوندىقتان ماسەلەنى ودان ءارى ورشىتە بەرمەي, حالقىمىزعا ءتان كەڭپەيىلدىك تانىتقانىمىز ابزال.كەز كەلگەن داۋلى ماسەلەنى اقىل-پاراساتپەن شەشەتىن تولەرانتتى, وركەنيەتتى, ياعني دانا قوعام ەكەنىمىزدى كورسەتە بىلەيىك,- دەدى مينيستر مىرزابوسىنوۆ.
ءارى قاراي سپورت ءمينيسترى ستانيسلاۆ چەرچەسوۆتىڭ حالىقارالىق دەڭگەيدەگى تانىمال فۋتبولشى ەكەنىن ءارى 20 جىلدىق تاجىريبەسى بار كاسىبي جاتتىقتىرۋشى ەكەنىن ايتىپ, جانكۇيەرلەر ءۇمىتىن اقتايدى دەپ سەنىم ءبىلدىردى.
بۇعان دەيىن قازاقستان فۋتبول كومانداسىنىڭ باس باپكەرى ستانيسلاۆ چەرچەسوۆ قازاق تىلىندە سۇراق قويعان جۋرناليسكە “سەن فرانتسۋز تىلىندە سويلەپ وتىرسىڭ با؟” دەگەن. وسى ءسوزى قوعامدا قىزۋ تالقىعا ءتۇسىپ, ونى سىناعاندار كوبەيدى.
فەدەراتسيا باسشىسى ادىلەت بارمەنقۇلوۆ شەكتەن شىققان چەرچەسوۆكە ايىپپۇل سالىنعانىن ايتتى.
